SFX

SFX er tenglakerfi Ex Libris sem tengir saman bókfræðiupplýsingar og rafrænan aðgang að fræðiefni í gagnasöfnum og á netinu. SFX er undirliggjandi kerfi og því ekki sýnilegt fyrr en notandi hefur með leit í leitir.is, gagnasafni eða á Google Scholar fundið tímaritsgrein eða rafræna bók sem hann/hún hefur aðgang að á einhvern hátt. Aðgangurinn getur verið heildartexti, útdráttur, upplýsingar um höfunda eða tengill í millisafnalán.

Kjarninn í SFX er gagnasafn heimilda, Knowledge Base, sem bókasafnskerfi og gagnasöfn tengja sig við og reglur um aðgangheimildir. SFX notar OpenURL samskiptareglurnar, sem flytur lýsigögn með upplýsingum um aðgangsheimildir og þjónustu milli kerfa.

SFX tenglakerfið býr til sérsniðna tímaritalista fyrir hvar.is, háskólabókasöfnin og heilbrigðisvísindabókasafn.

SFX í leitir.is

Landskerfi bókasafna notar SFX til þess að tengja frá leitir.is í heildartexta greina og rafrænna bóka í landsaðgangi á hvar.is. Auk þess nota háskólabókasöfnin SFX til þess að tengja séráskriftir sínar við leitir.is og Google Scholar.

Þegar leitarniðurstöður eru skoðaðar á leitir.is gefur SFX aðgang að heildartexta undir flipanum „skoða rafrænt“ eða býður upp á millisafnalán og fleira undir flipanum „önnur þjónusta“.