2

Main content

main

Nemendalistar í nýjum Gegni

ágúst 2022

Ágæta starfsfólk bókasafna í skólum.

Þá er komin að því að hlaða eða virkja vélvirkt nemendalistum inn í nýja Gegni. Verklagið verður sambærilegt og fyrri ár en búast má við að það taki lengri tíma en áður þar sem verkferilinn er enn ekki jafn öruggur og áður. Forritið sem við notum til að keyra nemendalistana inn er ekki eins vel slípað og í gamla kerfinu og því mikilvægt að skila listum sem eru rétt uppsettir.
 

Framhaldsskólar:

  • Athugið að framhaldsskólar, sem nota INNU, eiga ekki að senda inn nemendalista heldur verður uppfærsla nemenda gerð með samtengingu við INNU. Það verklag er í prófunum en við stefnum að því að virkja nemendur framhaldsskóla fljótlega. Sambærilegt verklag verður hannað síðar fyrir önnur nemendakerfi.
     

Grunnskólar og háskólar:

Leiðbeiningar um skil á listum til innkeyrslu - VINSAMLEGA LESIÐ VIRKILEGA VEL:

  • Það er afar mikilvægt að listarnir sem skólarnir senda inn séu í samræmi við sniðmátið sem þarf að nota, því ef í listanum eru rangar lánþegastöður eða dálka vantar í lista getur forritið ekki keyrt listana inn. Í Excel skjalinu verða að vera dálkarnir: Kennitala, Nafn, Lánþegastaða, Bekkjardeild, Netfang, Sími1 og Sími2.
  • Það er allt í lagi þó það séu engar upplýsingar í dálkunum, t.d. þarf ekki að setja inn netfang hjá nemendum, en dálkurinn verður samt að vera í skjalinu, annars stoppar forritið og les enga nemendur inn.
  • Hægt er að sækja rétt uppsett Excel skjal og líma inn.
  • Athugið vel að ef netföng eru sett inn í nemendalistana mun tölvupóstur sendast til lánþega frá bókasafnskerfinu við ýmsar aðgerðir, t.d. þegar búið er að setja upp rukkkeyrslur. Af þessum sökum er ekki víst að allir skólar vilji setja netföng inn í kerfið.
  • Þeir skólar sem vilja fá bekkjardeild nemenda og starfsheiti kennara með í lánþegaskrána setja hana eins og áður í dálkinn Bekkjardeild og símanúmer nemenda fara í Sími1 og Sími2, ef aðeins er sett eitt símanúmer fer það í Sími1.
  • Kóði fyrir lánþegastöðu (notendahóp) þarf að vera í skjalinu fyrir hvern nemanda/starfsmann, án hennar er ekki hægt að keyra skjalið inn. Það er mjög mikilvægt að setja rétta lánþegastöðu í dálkana því ef röng staða er sett inn virkjast nemendurnir ekki rétt. Athugið að skoða lánþegastöðurnar vel, því lánþegastöður voru samræmdar síðasta haust og númerin á mörgum lánþegastöðum breyttust. Vinsamlegast skoðið breytingarnar, um þær er fjallað hér - neðst á sömu síðu eru einnig töflur um lánþegastöður sem eru notaðar í nýja kerfinu.
  • Forritið les úr skráarnafninu hvar eigi að gefa réttindin og hversu lengi þau eiga að gilda. Nafnið á skránni þarf að vera sett svona upp: safnakjarni, undirstrik, kóði bókasafns, undirstrik, gildistími. Hér er t.d. rétt uppsetning á skráarnafni fyrir Brekkubæjarskóla: grunnsk_bregv_20230930.xlsx því skólinn er í Grunnskólakjarnanum, safnakóðinn þeirra er BREGV og réttindin eiga að gilda til og með 30. September 2023.  Samsteypusafn sem er í Almenningssafnakjarnanum notar alm sem fyrsta lið í skráarnafninu, t.d. alm_kergs_20230930.xlsx.
    Kóðar safna eru aðgengilegir á þessari síðu: https://landskerfi.is/um-okkur/bokasofnin
  • Ef lánþegalistarnir sem við fáum eru ekki rétt uppsettir og forritið getur ekki keyrt það inn verðum við að endursenda þá og biðja um rétt uppsett skjal.
  • Sendið aðeins einn lista fyrir hvern skóla (nemendur og starfsfólk saman í lista).
  • Sendið listann annað hvort í gegnum verkbeiðnakerfi eða í tölvupósti á hjalp@landskerfi.is.

Vinsamlegast vandið ykkur við skil á listunum til að flýta fyrir innkeyrslu
 

Til minnis:

  • Hafið listann samfelldan - engar auðar línur mega vera í listanum
  • Passið að réttir dálkar séu í listanum, jafnvel þó þeir séu ekki allir notaðir
  • Röðun nafna í listanum skiptir ekki máli
  • Hafið sjálfstæðan lista fyrir hvern skóla (ekki margir skólar saman)
  • Hafið nemendur og starfsfólk í sama listanum
     

Skyldusvið - verður að fylla dálkinn út:

Kennitala
Nafn
Lánþegastaða (notendahópur)
 

Dálkar sem mega vera tómir:

Bekkjardeild
Netfang
Sími1
Sími2

Vegna persónuverndarsjónarmiða er rétt að taka fram að innsend skrá er einungis notuð til að lesa nöfn inn í Gegni. Starfsmenn Landskerfis bókasafna eru þeir einu sem hafa aðgang að skránni og henni er eytt að loknum innlestri.