Topplistar útlána eru listar yfir vinsælustu eða mest lánaðu titlana í aðildarsöfnum Gegnis. Það er bæði hægt að skoða einstök söfn á lokuðum vef en á opnum vef er hægt að skoða hvað er mest er lánað eftir safnaflokkum, landsvæðum, efnisflokkum og árum og ársfjórðungum.

 

Topplistar útlána eru aðgengilegir á opnum vef Landskerfis bókasafna, https://landskerfi.is [2] undir Um okkur -> Vinsælustu titlarnir [3].

 

Vinsælustu titlana á hverju bókasöfni fyrir sig er að finna á lokuðum þjónustuvef Landskerfis bókasafna undir Topplistar -> Einstök söfn [4]. 

 

Það er stefna Landskerfis bókasafna að topplistar útlána séu í stöðugri endurskoðun og þróun. Nánari upplýsingar um topplistana er að finna í greinargerð um topplista útlána 2018 [5].

 

Vinsælustu bækurnar 2018
Þegar heildartölur allra bókaútlána í Gegni eru skoðaðar þá kemur í ljós að „Dagbók Kidda klaufa: furðulegt ferðalag“ er í fyrsta sæti. Kiddi klaufi er reynda með einsdæmum vinsæll en „Dagbók Kidda klaufa“ með mismunandi undirtitlum vermir níu efstu sætin. Þarna vega þyngst útlán til skólabarna í grunnskólum landsins.  Í almenningsbókasöfnum á „Dalalíf“ eftir Guðrúnu frá Lundi hug og hjörtu lánþega annað árið í röð.

 

Vinsælustu bækurnar í almenningsbókasöfnum eftir ársfjórðungum 2018
Það er spennandi að skoða vinsælasta efnið á bókasöfnunum. Sumar bækur virðast verma toppsætin ár eftir ár á meðan að aðrir góðir titlar fara ekki mikið í útlán þrátt fyrir góða sölu og mikla umfjöllun. Einnig er skemmtilegt að skoða breytingar á útlánum eftir ársfjórðungum eða landshlutum.
        
Hér má sjá vinsælustu fullorðinsbækur í almenningsbókasöfnum eftir landshlutum árið 2018.