Dagana 19. febrúar (kl. 13:15-15:30), 20. febrúar (k. 9:30-11:45) og 21. febrúar (kl. 13:15-15:30) verður nýi Gegnir kynntur hjá Landskerfi bókasafna. Þessar kynningar eru ætlaðar starfsmönnum safna sem nota gamla Gegni og þá öðru fremur þeim sem lítið eða ekkert þekkja til nýja kerfisins. Kynningarnar verða haldnar í húsakynnum Landskerfis bókasafna, Borgartúni 37, Reykjavík, 5. hæð.

Fjallað verður um uppbyggingu nýja kerfisins, notkun þess, leitir í því og boðið upp á umræður og fyrirspurnir. Vinsamlegast tilkynnið þátttöku á skráningarsíðu okkar eða í síma 514 5050. Hámarksfjöldi þátttakenda á hverri kynningu er 25.