Við höfum nú tekið saman lista yfir þær bækur sem mest voru lánaðar út í Gegni á árinu 2004. Þetta er fyrsta heila árið sem kerfið hefur verið í notkun en við minnum á að í apríl bættust um hundrað bókasöfn við kerfið, þar á meðal mörg almenningsbókasöfn og það eru einmitt þau sem hafa langflest útlán. Í heild voru rúmlega fimmtán hundruð þúsund útlán skráð í kerfið á árinu. Útlánatölurnar bera með sér
að börn og unglingar eru iðin við að sækja sér lesningu á bókasöfnin, en ekki vekur síður athygli að sjö af tíu útlánahæstu íslensku skáldsögunum eru eftir Arnald Indriðason. Tekið skal fram að í nokkrum tilvikum er um að ræða ritröð fremur en einstaka bók. Listarnir eru svona:

Athugasemd: Glöggur bókavörður, Áslaug Óttarsdóttir, vakti athygli okkar á því að skrýtið væri að Kleifarvatn, glæný bók, væri inni á metlánalista ársins. Fórum við þá yfir hugbúnaðinn sem telur þetta út og kom þá í ljós að villa leiddi til þess að tvær nýjar bækur voru inni á listunum sem áttu ekki að vera það, Kleifarvatn og Barn að eilífu, sem báðar komust þó mjög nærri því. Hér er leiðrétt gerð listanna. Annað sem breyttist er að Arnaldur Indriðason á 7 en ekki 8 af útlánahæstu bókunum. Um leið og við óskum Arnaldi til hamingju með glæsilegan árangur, biðjumst við velvirðingar á þessum mistökum.