Í aðdraganda sumars hófst Borgarbókasafn Reykjavíkur handa við innleiðingu sjálfsafgreiðsluvéla (Codeco) í Aðalsafni, Gerðubergi og Kringlusafni. Vélarnar taka til bæði útlána og skila.

Sjálfsafgreiðsluvélarnar eru tengdar við Gegni í gegnum svokallaðan SIP2 samskiptastaðal. Landskerfi bókasafna hefur haft veg og vanda af því að tryggja að samskipti vélanna og Gegnis gangi snuðrulaust fyrir sig. Vinnan hefur gengið vel og hefur samstarf á milli aðila verið með miklum ágætum.

Almenningsbókasöfnin á Akureyri, í Hafnarfirði og í Kópavogi hafa þegar ákveðið að feta í fótspor Borgarbókasafnsins og hefja innleiðingu sjálfsafgreiðsluvéla síðar á árinu.