Eitt af meginverkefnum Landskerfis bókasafna á fyrrihluta ársins er undirbúningur uppfærslu Gegnis í útgáfu 18 af Aleph kerfinu. Vinnan er unnin í prófunarumhverfi Gegnis, sem af þeim sökum er óaðgengilegt aðildarsöfnum. Til að mæta þeim óþægindum hefur verið sett upp sérstök kennsluvél.

Stofnaður hefur verið verkefnahópur til að styðja við verkefnið og miðla upplýsingum til sinna safnategunda. Í verkefnahópnum eiga sæti fulltrúar frá Alefli, Landsbókasafni Íslands – Háskólabókasafni, Borgarbókasafni Reykjavíkur og Landskerfi bókasafna.

Verkáætlun gerir ráð fyrir að Gegnir verði opnaður í útgáfu 18 þann 11. júní næstkomandi. Gert er ráð fyrir að kerfið verið lokað á meðan á uppfærslunni stendur eða frá föstudeginum 6. júní til miðvikudagsins 11. júní.