Aðalfundur Landskerfis bókasafna hf. var haldinn 26. maí 2010. Störf fundarins voru með hefðbundnum hætti. Á fundinn mættu fulltrúar 8 hluthafa sem eiga samanlagt 82,3% hlutafjár í félaginu. Skýrsla stjórnar og fundargerð aðalfundar verður birt á heimsíðu félagsins á næstu dögum.

Í stjórn félagsins starfsárið 2010-2011 voru kjörin: Anna Torfadóttir borgarbókavörður, Árni Sigurjónsson skrifstofustjóri forsetaembættisins, Ingibjörg Steinunn Sverrisdóttir landsbókavörður og Karl Guðmundsson bæjarritari Akureyrarbæjar. Varamenn voru kjörnir: Hulda Björk Þorkelsdóttir forstöðumaður Bókasafns Reykjanesbæjar og Eiríkur Þorláksson, sérfræðingur á skrifstofu menningarmála hjá menntamálaráðuneytinu.

Stjórnin hefur kjörið Árna Sigurjónsson sem formann sinn.

Á fundinum voru Herði Sigurgestssyni þökkuð góð störf í þágu félagsins á árunum 2003 - 2010.