Prófunaraðgangur að Samþættri leitargátt fyrir Ísland hefur verið opnaður á slóðinni beta.gegnir.is

Vefurinn er enn í vinnslu og mun taka breytingum á komandi vikum og mánuðum. Samþætt leitargátt fyrir Ísland veitir aðgang á einum stað að fjölbreyttum safnkosti bókasafna á Íslandi ásamt efni valinna sérsafna. Kerfið veitir upplýsingar um safnkost og aðgang að rafrænu efni hvort sem um er að ræða texta eða myndrænt efni. Í prófunarútgáfu verður boðið upp á efni úr Gegni, Tímarit.is, Skemman.is og Ljósmyndasafni Reykjavíkur. Fljótlega er stefnt að því að gera rafrænar tímaritsgreinar og gagnagrunna í hvar.is leitarbæra í leitargáttinni. Rekstur kerfisins er í höndum Landskerfis bókasafna hf.