Aukaaðalfundur Landskerfis bókasafna hf. var haldinn 8. nóvember 2012. Til fundarins var boðað til að kjósa einn aðalmann í stjórn og tvo varamenn. Á fundinn mættu fulltrúar 5 hluthafa sem eiga samanlagt 77,16% hlutafjár í félaginu.

Hér má nálgast fundargerð aukaaðalfundar [2].

Aðalmaður í stjórn var kjörin Pálína Magnúsdóttir borgarbókavörður og varamenn Hulda Björk Þorkelsdóttir forstöðumaður Bókasafns Reykjanesbæjar og Eiríkur Þorláksson, sérfræðingur á skrifstofu menningarmála hjá menntamálaráðuneytinu.

Anna Torfadóttir fyrrverandi borgarbókavörður gekk úr stjórn félagsins á fundinum en hún hafði setið samfleytt í stjórn þess frá árinu 2002. Allan þann tíma hefur hún verið vakin og sofin í því að efla starfsemi þess. Hún á stóran þátt í því hvar félagið er statt í dag. Önnu eru þökkuð frábær störf í þágu Landskerfis bókasafna hf.