Námskeiðsáætlun Landskerfis bókasafna og Rekstrarfélags Sarps fyrir veturinn 2021 – 2022 er nú aðgengileg á vef Landskerfis bókasafna. Námskeiðshald verður frekar fátæklegt að þessu sinni hvað Gegni varðar en námskeið fyrir Sarpsfólk er á svipuðum nótum og verið hefur.

Innleiðing nýs bókasafnskerfis fyrir Gegni og leitir.is veldur því að ekki er skynsamlegt að bjóða upp á sértæk námskeið í núverandi kerfi en vinsamlegast hafið samband við Landskerfi ef þörf er á kennslu eða upprifjun á einstaka verkþáttum kerfisins. Einnig minnum við á leiðbeiningar í notkun kerfanna á vef Landskerfis bókasafna undir Þjónustuvefur -> Leiðbeiningar.