Nemendalistar

Landskerfi bókasafna býður starfsmönnum skólasafna upp á þá þjónustu að mynda lánþegaréttindi vélrænt í kerfinu fyrir nemendur og starfsmenn skólans. Auk þess að mynda lánþegaréttindin er einnig hægt að uppfæra bekkjardeild, netfang og gildistíma skírteinis. Með þessum hætti sparast mikil vinna þar sem ekki þarf að skrá lánþegana handvirkt einn í einu. Netföngum er bætt við þau sem fyrir eru, þ.e.a.s. ekki er skrifað yfir netföngin sem eru inni í kerfinu.

• Athugið: Ef óskað er eftir að vanskilalistar raðist eftir bekkjum er nauðsynlegt að láta uppfærðar bekkjarupplýsingar fylgja með í nemendalista.

Þau söfn sem óska eftir að nýta sér þessa þjónustu eru beðin um að senda vel frágenginn lánþegalista til Landskerfis bókasafna, annað hvort í gegnum verkbeiðnakerfi [1] eða í tölvupósti á hjalp@landskerfi.is [2].

• Listinn þarf að vera í Excelskrá. Nota má skrána Nemendalisti [3] sem grunn fyrir lánþegalista til að tryggja rétta uppsetningu. Auðum dálkum má eyða úr lánþegalistanum.
   

Til minnis:

• Hafið listann samfelldan en skiptið honum ekki niður eftir t.d. bekkjardeild
• Hafið engar auðar línur í listanum
• Hafið sjálfstæðan lista fyrir hvern skóla (ekki margir saman)
• Hafið nemendur og starfsmenn í sama listanum
• Notið stjórnunareiningu og safnkóða sem skráarnafn (t.d. ICE55_LEKGG.xls)
• Sjálfgefinn gildistími skírteina er eitt skólaár
• Röðun nafna í listanum skiptir ekki máli
   

Skyldusvið í nemendalista:

Kennitala
Nafn
Lánþegastaða
 

Einnig má skilgreina:

Bekkjardeild
Lánþegategund
Netfang
Sími1
Sími2

Söfn sem nota millisafnalánaþátt Gegnis geta fyllt út þessa dálka:

Heimasafn
MSL_bókasafn
MSL_hámark_alls
MSL_hámark_virk

Vegna persónuverndarsjónarmiða er rétt að taka fram að innsend skrá er einungis notuð til að lesa nöfn inn í Gegni. Starfsmenn Landskerfis bókasafna eru þeir einu sem hafa aðgang að skránni og henni er eytt að loknum innlestri.