Rekstrafélag Sarps hlaut styrk að upphæð 1.650.000 úr aðalúthlutun safnaráðs fyrir árið 2024.  Er styrkurinn veittur fyrir verkefnið “Gagnaflutningar í nýtt skráningarkerfi” Aðalúthlutunin fór fram í Safnahúsinu við Hverfisgötu þann 23. janúar síðastliðinn þar sem Lilja Dögg Alfreðsdóttir, menningar- og viðskiptaáðherra veitti styrkhöfum viðurkenningarskjöl og tók Vala Gunnarsdóttir, fagstjóri Sarps á móti styrknum fyrir hönd Rekstrarfélagsins.

Skráningar- og umsýslukerfið Sarpur er lykilverkfæri í safnastarfi, þar sem vönduð skráning skapar undirstöðu fyrir rannsóknir, sýningar og aðra miðlun. Árið 2019 hófst vinna við að finna nýtt skráningar- og umsýslukerfi til þess að halda í við kröfur nútímans. Kerfið sem varð fyrir valinu heitir MuseumPlus frá fyrirtækinu Zetcom. Stór hluti af vinnu við aðlögun á nýju kerfi felst í að flytja gögnin yfir í nýja kerfið á skilvirkan og öruggan máta. Verður styrkurinn nýttur í það verkefni, m.a. með aðstoð frá utanaðkomandi sérfræðingum hérlendis.

Á myndinni má sjá styrkhafa í aðalúthlutun safnasjóð 2024 í Safnahúsinu.