Prentun frátektatilkynninga

Vinnuferli í hverju safni ræður stillingum fyrir útprentun frátekta í skránni ../circ/tab/print.ini

• Biðlarinn má ekki vera opinn í tölvunni meðan stillingum er breytt
• Það þarf ekki administrator-réttindi til að gera breytingarnar
• Opnið skrárnar í Notepad og vistið að loknum breytingum
• DEVICE-nn stendur fyrir DEVICE-01 eða DEVICE-02; fer eftir því hvernig kvittanaprentari er skilgreindur í ../alephcom/tab/alephcom.ini
• Athugið að einstök bókasöfn gætu haft format með öðru númeri í dálki 2 eftir nánara samkomulagi

ATH - sumar tölvur eru stilltar á að sýna ekki endingu skrárheita og þá birtast heiti skránna sem ALEPHCOM og PRINT.

Til athugunar í byrjun:

• Ef nota á kvittanaprentara þá þarf að vera búið að skilgreina hann sem DEVICE-01 eða DEVICE-02 í C:/AL500/ALEPHCOM/TAB/ALEPHCOM.INI
• Ef tilkynningar eiga að fara í tölvupóst þá þarf að vera búið að setja inn stillingar fyrir póstþjón og sendanda í C:/AL500/ALEPHCOM/TAB/ALEPHCOM.INI

Hafið samband við Landskerfi bókasafna ef þið þurfið nánari leiðbeiningar um þessi atriði.

Stillingar eru settar inn á eftirfarandi hátt:

Opnið skrána C:/AL500/CIRC/TAB/PRINT.INI í Notepad.
Í skránni er fjöldi lína en aðeins þarf að breyta tveimur línum til að skilgreina prentun frátekta.  
Í dæminu hér fyrir neðan táknar [.....] línur fyrir ofan/neðan sem ekki má eyða eða breyta.  
Alls ekki má bæta inn [.....] í töfluna.

• Línurnar fyrir frátektir heita ReturnHold01 og HoldLetter01.  Ekki þarf að hreyfa við öðrum línum í skránni.
• Setjið inn stillingar í dálka 2, 4 og 6 í samræmi við vinnuferli frátekta á safninu (sjá töflu). Dæmið hér að ofan á við möguleika nr. 6 - Bréf í tölvupóst – miði á kvittanaprentara.
• Ekki má nota TAB-hnapp við að færa bendil í línu. Notið bilslá (space bar).

ATH: Það verður að skrifa DEVICE-nn og/eða NO-PRINT með stórum stöfum og passa að það lendi nákvæmlega í dálki 6.1 og 6.2 í skránni.  Ef það lendir of langt til vinstri eða hægri þá koma annaðhvort tvö útprent og tvö tölvubréf eða þá ekki neitt. 

Til athugunar fyrir þá sem senda frátektatilkynningar í tölvupósti:

Ef lánþegi hefur ekki netfang þá prentast bara út venjulegt bréf þegar frátekinni bók er skilað.  Því er ákveðin hætta á að bókavörður á vakt sjái ekki hvort tölvupóstur hefur farið eða ekki því "póstendingarglugginn" er svo lítill og birtist bara örskotsstund á skjánum.  Það má þó alltaf ganga úr skugga um þetta með því að skoða nafn lánþegans á útprentinu; ef þar er skráð netfang þá hefur póstur farið á það.  Ef ekkert netfang er skráð þá þarf að hafa samband við lánþegann í síma eða með öðrum hætti.

Til athugunar fyrir þá sem prenta frátektatilkynningar á kvittanaprentara:

Það getur þurft að stilla spássíur á útprentinu til að textinn passi betur á strimilinn. Þetta þarf að gera í öllum tölvum sem eru að senda á kvittanaprentarann og virkar þá fyrir öll önnur útprent líka, s.s. útlánakvittanir og útlánayfirlit.

Að stilla spássíu:
Fara alveg út úr Gegni. Opna skrána C:\AL500\ALEPHCOM\BIN\HTMLPRINT.INI í Notepad og fara neðst í hana.  Þar eru [Margin] stillingar í millimetrum; setja þær allar niður í 2. Vista svo skrána og ræsa Gegni aftur.