Rafbókasafnið hefur verið opnað á léninu http://rafbokasafnid.is [2] / http://rafbókasafnið.is [3]. Um er að ræða samstarfsverkefni Landskerfis bókasafna og Borgarbókasafns Reykjavíkur.

Markmið með Rafbókasafninu er að bjóða almenningi upp á aðgang að fjölbreyttu úrvali raf- og hljóðbóka. Flestar bækurnar í Rafbókasafninu eru á ensku en ráðgert er að í framtíðinni verði einnig mögulegt að fá lánað íslenskt efni í Rafbókasafninu. Bækurnar má lesa eða hlýða á í spjaldtölvum, farsímum, borðtölvum, í appi og á lesbrettum öðrum en Kindle.

Í fyrstu verður Rafbókasafnið aðeins í boði fyrir lánþega Borgarbókasafnsins, en er fram líða stundir mun öðrum almenningsbókasöfnum í Gegni standa til boða að ganga til liðs við Rafbókasafnið og bjóða sínum lánþegum upp á þjónustuna.

Rafbókasafnið byggir á Overdrive rafbókaveitunni sem býður bókasöfnum um allan heim samskonar þjónustu.