Þann 31. ágúst hóf Eirný Vals störf hjá Landskerfi bókasafna sem verkefnastjóri. Hún er ráðin til tveggja ára og mun stýra verkefni um val á nýju bókasafnskerfi. Eirný er með MPM gráðu í verkefnastjórnun frá HÍ auk þess að vera með MBA gráðu frá sama skóla og útskrifaður rekstrarfræðingur frá Bifröst. Hún hefur sinnt fjölbreyttum störfum á umliðnum árum og hefur m.a. verið sviðstjóri hjá Rannís, fjármálastjóri og bæjarstjóri hjá Sveitarfélaginu Vogum og frá árinu 2015 starfaði hún sem verkefnastjóri Brothættar byggðir – Skaftárhreppur til framtíðar hjá Byggðastofnun.

 

Sama dag var haldinn ræsfundur sérfræðingahópa vegna þarfagreiningar fyrir nýtt bókasafnskerfi sem verður arftaki Aleph kerfisins. Um þrjátíu sérfræðingar frá hinum ýmsu Gegnissöfnum gáfu kost á sér í vinnunna. Þeir munu starfa í fjórum hópnum sem eru lán, lánþegar, umsýsla og lýsigögn. Hóparnir verða að störfum næstu vikurnar og lýkur vinnu þeirra með skýrslu síðla nóvember.

 

Svipmyndir frá fundinum [2]