Topplistar útlána eru listar yfir vinsælustu eða mest lánaðu titlana í aðildarsöfnum Gegnis. Í sumarbyrjun 2017 voru gerðar endurbætur á topplistunum sem gera öllum kleift að skoða það sem mest er lánað flokkað eftir safnaflokkum, landsvæðum, efnisflokkum og árum og ársfjórðungum.

Topplistar útlána eru aðgengilegir á opnum vef Landskerfis bókasafna, https://landskerfi.is [2] undir Um okkur -> Vinsælustu titlarnir [3].

Vinsælustu titlana á hverju bókasafni fyrir sig er að finna á lokuðum þjónustuvef Landskerfis bókasafna undir Topplistar -> Einstök söfn [4]. 

Það er stefna Landskerfis bókasafna að topplistar útlána séu í stöðugri endurskoðun og þróun. Nánari upplýsingar um topplistana er að finna í greinargerð um topplista útlána 2017 [5].

Vinsælustu bækurnar 2017

Séu heildartölur allra bókasafna landsins skoðaðar vermir Kiddi klaufi eftir Jeff Kinney toppsætið. Þarna vega þyngst útlán til skólabarna í grunnskólum landsins. Í almenningsbókasöfnum á Dalalíf eftir Guðrúnu frá Lundi hug og hjörtu lánþega.

Vinsælustu bækurnar á Austurlandi eftir ársfjórðungum 2017

Vinsælasta efnið á bókasöfnunum er spennandi rannsóknarefni og vekur áhuga hjá fleirum en aðildarsöfnum Gegnis eins og t.d. fjölmiðlum og hjá eigendum safna.

Hér að ofan má sjá vinsælustu fullorðinsbækurnar í almenningsbókasöfnum á Austurlandi eftir ársfjórðungum 2017.