Landskerfi bókasafna býður starfsmönnum skólasafna upp á þá þjónustu að mynda lánþegaréttindi vélrænt í kerfinu fyrir nemendur og starfsmenn skólans. Auk þess að mynda lánþegaréttindin er einnig hægt að uppfæra bekkjardeild, netfang og gildistíma skírteinis. Með þessum hætti sparast mikil vinna þar sem ekki þarf að skrá lánþegana handvirkt einn í einu. Netföngum er bætt við þau sem fyrir eru, þ.e.a.s. ekki er skrifað yfir netföngin sem eru inni í kerfinu. Ef óskað er eftir að vanskilalistar raðist eftir bekkjum er nauðsynlegt að láta uppfærðar bekkjarupplýsingar fylgja með í nemendalista.
Þau söfn sem óska eftir að nýta sér þessa þjónustu eru beðin um að senda vel frágenginn lánþegalista til Landskerfis bókasafna, annað hvort í gegnum verkbeiðnakerfi eða í tölvupósti á hjalp@landskerfi.is [1].
Listinn þarf að vera í Excel-skrá og allar upplýsingar um hvernig hún skal vera er að finna í leiðbeiningum [2] á þjónustugáttinni.