Strikamerki í Gegni

Strikamerki á safnkost

Helstu atriði varðandi strikamerkin:

• Code-128, strikamerkjastaðallinn er notaður
• Allir miðar eru 8 stafir að lengd
• Ekki er hægt að nota Gegni til að úthluta strikamerkjum, því þurfa bókasöfnin annað hvort að kaupa forprentaða miða eða nota strikamerkjaprentara með sérstökum hugbúnaði og strikamerkja runu sem þeim hefur verið úthlutað.

Til þess að hægt sé að tengja gögn inn í Gegni þarf að hafa strikamerki, annað hvort forprentuð strikamerki á rúllum eða strikamerkjaúthlutun í tölvu. Það eru tvö fyrirtæki úti í bæ sem sjá um að þjónusta söfnin með strikamerki,
Gagnalausnir (Jón Sævar Jónsson) og Origo, sem keypti strikamerki.is. Þessir aðilar hafa líka þjónustað bókasöfnin með miðaprentara til að prenta út úr Gegni.

Öll strikamerki í Gegni þurfa að vera einkvæm, þ.e. sama strikamerki má ekki vera á tveimur mismunandi gögnum.  Því er mikilvægt að kaupa strikamerki af þessum birgjum því þeir halda utan um númeraraðirnar sem bókasöfnin fá uthlutað.  Ef ekki er úthlutað strikamerki þegar eintak er tengt býr Gegnir til bráðabirgða strikamerki sem byrjar á 50-. Þau strikamerki eru ekki einkvæm yfir allar stjórnunareiningar og því þarf að passa vel að tengja ekki gögn á slík strikamerki. Hið sama á við um ISBN númer aftan á bókum, ekki má tengja gögn á ISBN númer.

Hægt er að hafa samband við Gagnalausnir/Jón Sævar í síma 893 6523 eða í tölvupósti, jsj@simnet.is [1]¸. Erindi til Origo sendist í gegnum vefsíðuna þeirra, https://www.origo.is/strikamerki [2]

Strikamerki á lánþegakort

Þegar lánþegi er skráður í lánþegaskrá Gegnis úthlutar kerfið honum sjálfkrafa strikamerki sem hægt er að prenta út á miðaprentara, sé hann uppsettur.  Sum söfn hafa látið forprenta fyrir sig plastkort, svokölluð GE kort.  Þau eru öll með strikamerki sem byrjar á stöfunum GE.  Vörumerking hefur þjónustað bókasöfnin með plastkortin og hægt er að panta beint frá þeim, sjá http://www.vorumerking.is [3]