Skráningarkerfið Sarpur er veflægt kerfi, aðgengilegt frá vefslóð sem skráningaraðilum er gefin upp þegar þeir fá aðgang að kerfinu.
Ekki er þörf á því að hlaða niður forriti eða biðlara til þess að vinna í Sarpi en krafa er gerð um að notendur skráningarkerfisins noti Google Chrome vafrann við vinnu í Sarpi. Einnig að þeir hafi góða og stöðuga nettengingu.
Við uppfærslur á kerfinu þurfa notendur að halda niðri Ctrl takkanum og ýta á F5 á lyklaborðinu til þess að vafrinn endurhlaði sig og nái í allar nýjustu upplýsingar. Ef ske kynni að upplýsingar, birtingarmöguleikar eða ýmis virkni hegði sér ekki eins og hún á að gera þá er alltaf fyrsta skref að endurhlaða síðunni í vafranum.
Ef það tekst ekki þá bendum við notendum á að senda verkbeiðni [1] í gegnum þjónustuvef Landskerfis bókasafna. Þessi þjónusta er fyrir starfsfólk aðildarsafna Gegnis og krefst innskráningar.
Tilkynnt er um uppfærslur á póstlista Sarps. Allir aðilar sem hafa skráð sig á þjónustuvefinn hér á síðunni eru á póstlistanum.