Samningur um arftaka Sarps 3 í höfn

Skrifað hefur verið undir samninga við Zetcom GmbH um afnot af kerfunum MuseumPlus og eMuseumPlus. Kerfin munu leysa af hólmi núverandi hugbúnað sem drífur Sarp 3 og sarpur.is. Kerfin voru valin að undangengnu útboði.

Innleiðing kerfanna er í startholunum en hún verður unnin í samvinnu við aðildarsöfn Sarps. MuseumPlus er notað á fjölmörgum söfnum og stofnunum í 36 löndum. Stórir viðskiptavinir sem nota kerfið eru til dæmis Þjóðminjasöfn Svíþjóðar og Noregs, FMA í Finnlandi (samstarf viðurkenndra safna í Finnlandi) og Louvre í Frakklandi.