Samið um efnisorðalykil

Landskerfi bókasafna og Landsbókasafn Íslands - Háskólabókasafn annars vegar og höfundar Kerfisbundins efnisorðalykils fyrir bókasöfn og upplýsingamiðstöðvar hins vegar hafa undirritað samning um að nota megi efnisorðalykilinn í bókasafnskerfið Gegni. Notkun samræmds efnisorðalykils er mikilvæg forsenda þess að unnt verði að samræma skráningu efnisorða í kerfið, en slíkt samræmi auðveldar til muna alla leit eftir efnisorðum. Efnisorðalykillinn hefur áður komið út í prentuðu formi en verður nú þróaður áfram í rafrænni gerð sem verður aðgengileg úr Gegni. Höfundar Kerfisbundins efnisorðalykils eru þær Þórdís T. Þórarinsdóttir og Margrét Loftsdóttir.