Fréttir

Vinnureglur um notkun sjóða og birgja í aðfangaþætti Gegnis hafa verið settar á heimasíðuna. Veljið Fræðsla og síðan Námsgögn til vinstri á heimasíðunni til þess að nálgast skjölin.

Tvöfaldar færslur fyrir sama efni í Gegni má einkum rekja til ólíkra skráningarhefða í gamla Gegni og Feng. Af þeim sökum náði efnið ekki að parast vélrænt. Það sem eftir stendur þarf að para handvirkt, en sú vinna felst í því að útbúa eina skráningarfærslu og færa öll eintök allra aðildarsafna á hana.

Í þessu skjali eru leiðbeiningar um hvernig velja skuli bókfræðifærslu til þess að tengja eintökin við. Fjallað er um:

Kerfisvinnu í Gegni, sem hófst laugardag 6. janúar, er nú lokið og Gegnir er kominn í rekstur á nýjan leik.

Starfsfólk Landskerfis bókasafna hf. óskar samstarfsmönnum sínum sem og notendum Gegnis friðsællar jólahátíðar og farsældar á komandi ári.

Öll forðasöfn í Gegni, áður tólf talsins, hafa nú verið sameinuð í eitt forðasafn í ICE60. Þetta mun tryggja það að forðatengingar vísi í rétt tímarit.

Leiðbeiningar um val á sviði fyrir efnisorð hafa verið sendar út á Vöndu. Skjalið má einnig nálgast hér að neðan.

• Val á sviði fyrir efnisorð

Landskerfi bókasafna hf. var stofnað hinn 14. nóvember árið 2001 og er því fimm ára í dag.

Við höfum fengið nokkrar ábendingar um að "væntanleg" dagsetning myndast þegar tímarit, sem ekki hefur pöntun, áskrift né komuspá, er tengt í skráningarþætti. Til þess að komast hjá því að þessi dagsetning verði til þarf að tengja eintakið skv. leiðbeiningum sem eru að finna á Þjónustuvef Landskerfis > Leiðbeiningar vegna útgáfu 16 > Eintök > Að tengja tímarit í skráningarþætti.

Settur hefur verið upp vefaðgangur að enskri útgáfu notendahandbókar fyrir 16. útgáfu Gegnis (ALEPH), Notendahandbók, hér til hægri á síðunni.

Á þjónustuvef má finna leiðbeiningaskjal um aðgang að notendahandbókinni auk tengils fyrir notendahandbókina sjálfa.

Athugið að þeir sem eru með "pop-up blocker" í vefskoðara tölvunnar þurfa að heimila pop-up glugga á gegnir.is til að geta skráð sig inn í notendahandbókina.