Fréttir

Það er óhætt að fullyrða að það er erfitt að byrja að vinna við hliðargrunninn. Hérna eru þrjú lykilskjöl sem nauðsynlegt er að hafa við hendina:

• Verklag vegna vinnu við hliðargrunn
• Aðgát skal höfð - val á bókfræðifærslu vegna tenginga
• Efnisorð

Vegna Landsfundar Upplýsingar verður skrifstofa Landskerfis bókasafna lokuð föstudaginn 6. október 2006. Vinsamlegast sendið beiðnir um aðstoð á hjalp hjá landskerfi.is. Einnig minnum við á þjónustusímann fyrir neyðartilvik.

Hægagangur í Gegni, sem notendur hafa orðið varir við í kjölfar uppfærslu í útgáfu 16, er úr sögunni. Um forritunarvandamál var að ræða sem sérfræðingar ExLibris hafa nú unnið bug á.

Þann 21. september síðastliðinn tók Sveinbjörg Sveinsdóttir við stöðu framkvæmdastjóra hjá Landskerfi bókasafna hf. Sveinbjörg er rafmagnsverkfræðingur að mennt og er nú um það bil að ljúka námi í opinberri stjórnsýslu (MPA) við Háskóla Íslands. Hún hefur á undanförnum árum starfað við hugbúnaðargerð, verkefnisstjórnun og ráðgjöf innan upplýsingatæknigeirans. Hefur hún starfað í Þýskalandi og í Bandaríkjunum, auk Íslands.

Undanfarnar fjórar vikur hefur mikil námskeiðalota staðið yfir hjá Landskerfi bókasafna. Höfum við kennt 15 námskeið á þeim tíma eða tæp fjögur námskeið í viku að jafnaði. Mikil eftirspurn hefur verið eftir kennslu, bæði vegna nýrra aðildarsafna og vegna breytinga á notendaviðmóti kerfisins. Á annað hundrað sæti voru nýtt á námskeiðunum, sem haldin voru í Reykjavík, á Akureyri og á Egilsstöðum. Þó að þessari miklu lotu sé að ljúka verða fleiri námskeið í boði fyrir jól og þurfa þeir sem vilja fá upplýsingar um þau að skrá sig á póstlista...

Að undanförnu höfum við verið að mynda lánþegafærslur fyrir skólabókasöfn eftir kennitölulistum. Það sem af er skólaárinu hafa 20 skólasöfn nýtt sér þessa þjónustu og sparað sér með því mikla vinnu. Bókaverðir sækja kennitölulistana úr Mentor eða öðrum upplýsingakerfum og skila þeim til Landskerfis bókasafna í reikniörk (Excel), einni fyrir hvern skóla. Í skránni þurfa að vera upplýsingar um kennitölu, nafn, lánþegastöðu og, ef grunnskóli á í hlut, nafn bekkjardeildar. Réttast er að senda okkar svona skrá yfir alla nemendur skólans á hverju...

Eftir nokkrar vikur lætur Árni Sigurjónsson, framkvæmdastjóri Landskerfis bókasafna, af störfum að eigin ósk og hverfur til annarra starfa. Af því tilefni auglýsti fyrirtækið í gær eftir nýjum framkvæmdastjóra. Nánari upplýsingar um starfið má fá á vef Hagvangs.

Við höfum sent frá okkur tilkynningar vegna uppfærslu Gegnis í útgáfu 16 með tölvupósti, en til frekari áréttingar birtum við þessi skeyti hér á vefnum. Þar er um að ræða:

• 15.8. 2006: Tilkynning til safna í ICE50, ICE51, ICE53, ICE55, ICE56, ICE57, AUS50, NOR50 og SUD50 um breytt samskiptaport
• 14.8. 2006: Miðaprentun, stillingar á biðlara (krefjast ekki Administrator-réttinda): lánþegaskírteini og bókamiðar
• 10.8. 2006: Fyrir þá sem fá 'Saxon' villuboð

Við minnum líka á leiðbeiningaskjöl sem sett...

Í dag klukkan 11:00 opnaði Gegnir í nýrri útgáfu. Undanfarna viku hefur kerfið verið að mestu leyti lokað og þjónustan því verið skert. Vinna við uppfærslu hefur staðið í nokkra mánuði og er það von okkar að þær umbætur sem gerðar hafa verið á kerfinu nýtist starfsmönnum og notendum bókasafna vel.