Fréttir

Landskerfi bókasafna er stolt af því að kynna til sögunnar endurhannaðan og betrumbættan vef gegnir.is.

Meginmarkmið með endurgerð gegnir.is var að gera vefinn sem aðgengilegastan og nytsamlegastan fyrir almenna notendur bókasafna. Útbúin var ný ásýnd á vefinn og öll virkni hans yfirfarin og endurbætt. Er það von okkar að vel hafi tekist til.

Rétt er að árétta að leitarvefurinn er hluti af bókasafnakerfinu Aleph 500 útgáfu 18, sem setur nokkrar skorður hvað virkni vefsins varðar.

Unnið er að undirbúningi þess að fá...

Gegnir hefur nú verið gangsettur á nýjan leik að aflokinni kerfisuppfærslu í útgáfu 18. Auk Gegnis var stýrikerfi og gagnagrunnur uppfærður. Loks hefur vefásjóna Gegnis, gegnir.is verið endurgerð. Unnið hefur verið að verkefninu um nokkurra mánuða skeið í náinni samvinnu við aðildarsöfn.

Starfsmenn bókasafna eru hvattir til þess að kynna sér ítarlega allar leiðbeiningar sem verða sendar út á almennan póstlista Landskerfisins á næstu dögum.

Vegna vinnu við uppfærslu Gegnis í útgáfu 18 og gangsetningu nýrrar vefgáttar gegnir.is, verður bæði kerfið og vefgáttin lokuð fram til 11. júní næstkomandi.

Frekari upplýsingar um verkefnið er að finna í aðgerðaráætlun. Tilkynningar um framvindu og annað verða sendar út á almennan póstlista Landskerfisins.
 

Fjórða fundargerð verkefnahóps um uppfærslu á Gegni úr útgáfu 16 í útgáfu 18 hefur nú verið sett á vefinn. Sjá Útgáfa 18.
 

Útbúin hefur verið aðgerðaráætlun vegna fyrirhugaðrar gangsetningar útgáfu 18 af Gegni þann 11. júní næstkomandi.

Brýnt er að starfsmenn aðildarsafna Gegnis kynni sér aðgerðaráætlunina vel.

Fundargerð frá 37. fundi skráningarráðs hefur verið sett á síðu skráningarráðs.
Einnig er þar að finna glærur frá fræðsludögum skrásetjara 18. apríl síðastliðinn.

Skráningarráð stóð fyrir fræðsludögum skrásetjara 18. apríl síðastliðinn. Meðal umfjöllunarefni var heiti stofnana í nafnmyndaskrá Gegnis. Erindin frá fræðsludögunum er að finna á síðu skráningarráðs á vef Landskerfis bókasafna.

Alefli, notendafélag Gegnis, stendur fyrir notendaráðstefnu miðvikudaginn 14. maí kl. 13:00-16:00, í fundarsal Þjóðarbókhlöðu.
Ráðstefnan er ókeypis og opin öllum notendum Gegnis og öðrum áhugasömum.
 

Þriðja fundargerð verkefnahóps um uppfærslu á Gegni úr útgáfu 16 í útgáfu 18 hefur nú verið sett á vefinn. Sjá Útgáfa 18.