2

Main content

main

Forsíða nýja vefs LB og RS

Nýr vefur Landskerfis bókasafna

Nýr vefur Landskerfis bókasafna og Rekstarfélags Sarps opnaður 3. maí 2016.

Vinna við nýjan vefinn hefur staðið yfir frá síðasta ári. Útlit og hönnun vefsins var í höndum Premis, en 1x Internet í Þýskalandi og Feanor á Íslandi sáu um vefnað og forritun hans. Vefurinn er unninn í Drupal sem er opinn hugbúnaður. Vefurinn er vistaður hjá Þekkingu sem hýsir flest kerfi fyrirtækisins. Allt starfsfólk Landskerfis bókasafna og Rekstrarfélags Sarps hefur á einn eða annan hátt komið að gerð og framsetningu efnis á vefnum en verkefnisstjóri var Þóra Gylfadóttir.

Helstu nýjungar á vefnum eru þær að tekið verður í notkun verkbeiðnakerfi sem um munu fara allar fyrirspurnir sem koma frá notendum kerfanna sem Landskerfi bókasafna rekur. Einnig verður tekið í notkun nýtt skráningarkerfi fyrir námskeiðshald Landskerfis og Rekstrarfélags Sarps. Tölfræði Gegnis verður í nýjum búningi og tekið verður upp nýtt póstþjónustukerfi sem gerir starfsfólki kleift að gera hópsendingar tölvupósts hnitmiðaðri. Það þýðir minni fjöldasendingar tölvupóstur. Starfsfólk safnanna þarf að stofna aðgang á vefnum til þess að fá aðgang að verkbeiðnakerfinu og námskeiðunum, auk leiðbeininga við safnakerfin.

Það er trú okkar að nýi vefurinn muni bæta þjónustu við starfsfólk bóka- og minjasafna og gera hana skilvirkari.

horizontal

fblikebutton_dynamic_block