Fréttir

Vakin er athygli á því að sk. árslokatölfræði ársins 2007 er nú aðgengileg á Þjónustuvef félagsins. Um er að ræða mikinn fjölda staðlaðra skýrslna um eintök og titla, útlán og lánþega í Gegni á liðnu ári.

Flestir viðskiptavinir hafa nú fengið sendan nýjan þjónustusamning, en á síðasta ári var ákveðið að ráðast í endurgerð samninganna með það að leiðarljósi að staðla þá og skerpa á ákvæðum um þjónustu ofl. Allir samningar eru nú verðtryggðir. Til upplýsingar eru tveir viðauka samningsins nú birtir á heimasíðu félagsins. Hér er um að ræða Staðlaðar skýrslur úr Gegni og Gjaldskrá félagsins á nýju ári.

Um leið og við óskum samstarfsfólki og velunnurum okkar friðar á jólum og farsældar á nýju ári, vekjum við athygli á að skrifstofa Landskerfis bókasafna verður lokuð 24. og 31. desember.

Þökkum ánægjulega samvinnu á árinu sem er að líða.

Glærur frá fræðsludögum skrásetjara, þann 18. og 19. október síðastliðinn, eru nú aðgengilegar á síðu skráningarráðs á heimasíðu Landskerfis bókasafna.

Handbók skrásetjara Gegnis hefur verið færð í nýtt vefumsjónarkerfi. Nýi vefurinn auðveldar aðgang að efninu og gerir það sýnilegra. Merki handbókarinnar hannaði Hólmfríður Sóley Hjartardóttir vefstjóri. Auk hennar eru Hildur Gunnlaugsdóttir og Monika Magnúsdóttir í ritstjórn. Uppsetning kerfisins og ráðgjöf var í höndum Gunnars Grímssonar viðmótshönnuðar. Landsbókasafn Íslands - Háskólabókasafn heldur vefnum úti og styrkti þessa nýju gerð hans.

Skráningarhandbók Gegnis...

Til hægri á heimasíðunni er verkefnalisti Landskerfisins vegna ársins 2007 aðgengilegur. Hann hefur nú verið uppfærður þ.a. framgangur einstakra verkefna kemur þar fram.

Ýmis talnagögn um árið 2006 hafa nú verið sett á Þjónustuvef Landskerfisins. Söfn geta valið um fjölda ólíkra skýrslna er varða eintök og titla, útlán og lánþega.

Skráningaráð hefur samþykkt nýjar reglur um skráningu tölvugagna (CF), tungumálanámskeiða, hljóðbóka og samsettra gagna (MX). Reglurnar er að finna á síðu skráningarráðs á vef Landskerfis bókasafna.

Hugbúnaðarframleiðandinn Ex Libris mun kynna nýjasta flaggskip sitt, Primo í sal Þjóðminjasafns Íslands, þriðjudaginn 28.8. Fundurinn hefst kl. 9.30. Nánar má fræðast um fundinn í meðfylgjandi dagskrá.

Öllum er heimill aðgangur að kynningunni en nauðsynlegt er að skrá sig á hana fyrirfram. Skráning fer fram á heimasíðunni.