2

Main content

Fréttir

main

Leiðbeiningar um val á sviði fyrir efnisorð hafa verið sendar út á Vöndu. Skjalið má einnig nálgast hér að neðan.

• Val á sviði fyrir efnisorð

Landskerfi bókasafna hf. var stofnað hinn 14. nóvember árið 2001 og er því fimm ára í dag.

Við höfum fengið nokkrar ábendingar um að "væntanleg" dagsetning myndast þegar tímarit, sem ekki hefur pöntun, áskrift né komuspá, er tengt í skráningarþætti. Til þess að komast hjá því að þessi dagsetning verði til þarf að tengja eintakið skv. leiðbeiningum sem eru að finna á Þjónustuvef Landskerfis > Leiðbeiningar vegna útgáfu 16 > Eintök > Að tengja tímarit í skráningarþætti.

Settur hefur verið upp vefaðgangur að enskri útgáfu notendahandbókar fyrir 16. útgáfu Gegnis (ALEPH), Notendahandbók, hér til hægri á síðunni.

Á þjónustuvef má finna leiðbeiningaskjal um aðgang að notendahandbókinni auk tengils fyrir notendahandbókina sjálfa.

Athugið að þeir sem eru með "pop-up blocker" í vefskoðara tölvunnar þurfa að heimila pop-up glugga á gegnir.is til að geta skráð sig inn í notendahandbókina.

Það er óhætt að fullyrða að það er erfitt að byrja að vinna við hliðargrunninn. Hérna eru þrjú lykilskjöl sem nauðsynlegt er að hafa við hendina:

  • Verklag vegna vinnu við hliðargrunn
  • Aðgát skal höfð - val á bókfræðifærslu vegna tenginga
  • Efnisorð

Vegna Landsfundar Upplýsingar verður skrifstofa Landskerfis bókasafna lokuð föstudaginn 6. október 2006. Vinsamlegast sendið beiðnir um aðstoð á hjalp hjá landskerfi.is. Einnig minnum við á þjónustusímann fyrir neyðartilvik.

Hægagangur í Gegni, sem notendur hafa orðið varir við í kjölfar uppfærslu í útgáfu 16, er úr sögunni. Um forritunarvandamál var að ræða sem sérfræðingar ExLibris hafa nú unnið bug á.

Þann 21. september síðastliðinn tók Sveinbjörg Sveinsdóttir við stöðu framkvæmdastjóra hjá Landskerfi bókasafna hf. Sveinbjörg er rafmagnsverkfræðingur að mennt og er nú um það bil að ljúka námi í opinberri stjórnsýslu (MPA) við Háskóla Íslands. Hún hefur á undanförnum árum starfað við hugbúnaðargerð, verkefnisstjórnun og ráðgjöf innan upplýsingatæknigeirans. Hefur hún starfað í Þýskalandi og í Bandaríkjunum, auk Íslands.

Undanfarnar fjórar vikur hefur mikil námskeiðalota staðið yfir hjá Landskerfi bókasafna. Höfum við kennt 15 námskeið á þeim tíma eða tæp fjögur námskeið í viku að jafnaði. Mikil eftirspurn hefur verið eftir kennslu, bæði vegna nýrra aðildarsafna og vegna breytinga á notendaviðmóti kerfisins. Á annað hundrað sæti voru nýtt á námskeiðunum, sem haldin voru í Reykjavík, á Akureyri og á Egilsstöðum. Þó að þessari miklu lotu sé að ljúka verða fleiri námskeið í boði fyrir jól og þurfa þeir sem vilja fá upplýsingar um þau að skrá sig á póstlista...