Nýr lánþegi á safni

Þegar nýr lánþegi kemur á safn er byrjað á því að fletta lánþeganum upp til að athuga hvort viðkomandi sé þegar skráður í kerfið. Nær allir landsmenn eiga að vera til í kerfinu. Smella á hnappinn með punktunum:

1. Velja leitaraðferð með því að merkja við notandanúmer, nafn eða kennitölu.
2. Skrifa upplýsingarnar í reitinn og ýta á Enter á lyklaborðinu.
3. Ef notandinn er til í kerfinu birtist hann í bláu línunni og þá á að smella á hnappinn Velja:

Ath. ef notandinn er ekki til í notendaskránni kemur sá sem honum er næstur í stafrófs- eða númeraröð í bláu línuna. Þá skal smellt á Nýr lánþegi til þess að frumskrá notanda – sjá Nýr lánþegi - frumskráning í kerfið.

Staðbundnar lánþegaupplýsingar

Eftir að lánþegi hefur verið valinn þarf að fara í Lánþegi-skráning > Staðbundnar lánþegaupplýsingar til að gera hann að virkum lánþega á safninu.

Velja bókasafn (með því að smella á það) til að gefa lánþega heimild á því safni.  Velja viðeigandi lánþegastöðu sem segir til um stöðu og réttindi lánþega á safninu.

Sum söfn kjósa að skilgreina lánþegategund vegna tölfræðilegra úttekta.

Þegar smellt er á Sjálfgildi verða heimildir lánþega í samræmi við skilgreiningar safnsins. Með því að smella á flipa 3. Staðbundnar heimildir má sjá heimildir lánþegans.

Til þess að vista upplýsingarnar er smellt á Breyta.

Þegar heimildir á safni hafa verið vistaðar fær lánþegi einnig heimildir í stjórnunareiningu. Lánþegastaðan verður sú sama og á safninu.

Ef lánþegi er þegar kominn með réttindi í stjórnunareiningu skal ekki breyta þeim.

Bekkjardeild og forráðamaður í athugasemdum

Til að skrá inn bekkjardeild nemanda:

1. Velja safnið í efri glugga
2. Velja flipa 2. Staðbundin bönn og athugasemdir í neðri glugga
3. Setja bekkjarupplýsingarnar inn í reitinn Staðb. aths. 3.

Nafn forráðamanns skal setja í Staðb. aths. 1.

Heimilisföng

Að lokum þarf að ganga úr skugga um að upplýsingarnar í Lánþegi-skráning > Heimilisföng séu réttar. Til þess að lánþegaupplýsingar uppfærist við þjóðskrárinnkeyrslu er nauðsynlegt að setja inn lögheimili og velja 01 fyrir tegund heimilisfangs. Einnig þarf að setja póstnúmer í reitinn Póstnr.

Nafn
Nafnið er sjálfgefið í samræmi við skráningu í víðværum upplýsingum.

Heimilisfang
Heimilisfang skal standa í þágufalli. Götuheiti og númer í efstu línu, ásamt íbúðarnúmeri ef það á við. Í næstu línu skal skrá póstnúmer og stað.

 Dæmi:
 Hlíðarhjalla 100, íbúð 22
 200 Kópavogi

Muna að velja 01 fyrir lögheimili undir Teg. heimilisfangs.

Póstnúmer
Setja þarf póstnúmer í reitinn.
 
Netfang
Mögulegt er að senda póst á netfang ef það er til staðar og rétt skráð.
Dæmi: nafn@rjomabland.is

• Athuga: 
  • Ef skráð eru fleiri en eitt netfang þarf að hafa semikommu (;) á milli þeirra, dæmi: nafn@rjomabland.is;nafn@yahoo.com
  • Engin bil eiga að vera á milli netfanga

Símanúmer
Það símanúmer sem skráð er í efstu línuna birtist í útprentum úr kerfinu.
Gott er að merkja heimasíma með hs., vinnusíma með vs. og farsíma með gsm.
Dæmi: hs. 5145050.

Tegund heimilisfangs
Til þess að þjóðskráruppfærslan virki verður lögheimili að vera skilgreint (sem 01). Aðeins má skilgreina eitt lögheimili.

Ef lánþegi hefur annað aðsetur (t.d. vinnustað) skal skrá það sem 02 svo póstsendingar fari þangað. Auka heimilisfang er skilgreint sem 11. Bæði aðsetur og auka heimilisfang eru valkvæm.