Fyrsta innskráning í Alma bókasafnskerfið

Hverjir geta skráð sig inn í nýja kerfið?

Allir sem sóttu um aðgangsupplýsingar fyrir lok 7. júní eru komnir með aðgang að kerfinu.
 

Hvað ef ég sendi umsókina eftir 7. júní eða á eftir að sækja um?

Ef þú átt eftir að sækja um, þá þarftu að fylla út eyðublaðið á https://landskerfi.is/kerfin/innleiding-almaprimo-ve/nyskraning-starfsmanns-i-alma.  Þegar verksvið er ákvarðað er mögulegt að haka við fleiri en eitt hlutverk. Merkið við öll hlutverk sem við á til að tryggja að hver og einn fái heimildir til að sinna öllum sínum störfum.

Hvernig geri ég?

Við fyrstu innskráningu þarftu að velja þér nýtt lykilorð og svo þarftu að búa til notandanafn.

Ítarlegar leiðbeiningar um fyrstu innskráningu

Ítarlegar leiðbeiningar um fyrstu innskráningu

Reglur um notkun notandauðkenna

Allir sem vinna í nýja Gegni þurfa að gera það með sínu persónulega notandaauðkenni (notandanafn/lykilorð).

Landskerfi bókasafna útbýr notandaauðkenni starfsmanns í kjölfar umsóknar hans eða yfirmanns. Starfsmaður skuldbindur sig til að hlíta reglum Landskerfis bókasafna um meðferð notandaauðkenna. Í reglunum felst meðal annars að viðskiptamanni eða starfsmönnum hans er ekki heimilt að afhenda notendaauðkennið öðrum en auðkennið er stílað á.

Geta margir verið skráðir inn samtímis í sömu tölvu?

Já, en þeir sem nota sömu tölvu samtímis mega ekki nota sama vafra.  Ef tveir eða fleiri þurfa að nota sömu tölvuna samtímis, þá þarf að passa upp á að einn sé að nota t.d. Chrome og annar Firefox. Eða að einn sé að nota Chrome og annar að nota „incognito“ glugga í Chrome. Þetta er vegna þess að Alma notar vafrakökur, og það getur ýmislegt skolast til ef það er verið að gera sömu eða svipaða hluti í tveim „alveg eins“ vöfrum.