Fréttir

Útbúinn hefur verið nýr leiðbeiningabæklingur fyrir gegnir.is. Bæklingurinn tekur mið af breytingum sem urðu þegar ný útgáfa af vefnum var tekinn í notkun um miðjan júnímánuð. Bæklingnum verður dreift til aðildarsafna Gegnis í byrjun ágúst. Nánar verður gert grein fyrir málinu í tölvuskeyti sem sent verður á póstlista Landskerfisins.

Leitarvefurinn gegnir.is er nú kominn með vottun frá fyrirtækinu Sjá ehf. um að gegnir.is standist kröfur um aðgengi fyrir fatlaða. Um er að ræða vottun fyrir forgang 1. Vottunin gildir bæði fyrir íslenska og enska hluta vefsins.

Nánar um aðgengisstefnu vegna gegnir.is.

Notendahandbók Gegnis á ensku fyrir útgáfu 18 (Aleph Staff User Guide 18.01) hefur nú verið gerð aðgengileg á Þjónustuvef Landskerfis bókasafna.

Annars vegar er hægt að skoða einstaka kafla notendahandbókarinnar, og hins vegar bókina í heild sinni (athugið að bókin í heild sinni telur tæpar eitt þúsund blaðsíður!).

Skráningarráð Gegnis hefur sent frá gátlista sem tekur til skráningar á nótum. Gátlistinn er aðgengilegur á heimasíðu Skráningarráðs.

Senn líður að hausti og að venju bjóðum við upp á fjölbreytt námskeið í notkun Gegnis, bæði fyrir nýja starfsmenn og söfn og einnig þá sem lengra eru komnir í notkun kerfisins.

Námskeiðsáætlunina er að finna í meðfylgjandi skjali.

Áhugasömum er bent á að skrá sig tímanlega á námskeiðin á heimasíðunni.

Efnisorðaráð Gegnis hefur sent frá sér heildarviðbætur við efnisorðalykil 2004-2008; viðbæturnar eru dagsettar 23. júní 2008.

Aðalfundur Landskerfis bókasafna var haldinn 30. maí 2008. Störf fundarins voru með hefðbundnum hætti.

Í stjórn voru kjörin Anna Torfadóttir borgarbókavörður, Hörður Sigurgestsson fyrrverandi forstjóri, Ingibjörg Steinunn Sverrisdóttir landsbókavörður og Karl Guðmundsson bæjarritari Akureyrarbæjar. Varamenn eru Hulda Björk Þorkelsdóttir forstöðumaður Bókasafns Reykjanesbæjar og Eiríkur Þorláksson, sérfræðingur á skrifstofu menningarmála hjá menntamálaráðuneytinu. Úr stjórn gekk Valur Árnason fyrrum skrifstofustjóri og var honum...

Hjálparskjöl vegna útgáfu 18 m.a. hvað varðar prentstillingar og úthlutun lykilorðs eru komnin á þjónustuvefinn. Öðrum leiðbeiningum verður bætt á þjónustuvefinn smám saman.

Landskerfi bókasafna er stolt af því að kynna til sögunnar endurhannaðan og betrumbættan vef gegnir.is.

Meginmarkmið með endurgerð gegnir.is var að gera vefinn sem aðgengilegastan og nytsamlegastan fyrir almenna notendur bókasafna. Útbúin var ný ásýnd á vefinn og öll virkni hans yfirfarin og endurbætt. Er það von okkar að vel hafi tekist til.

Rétt er að árétta að leitarvefurinn er hluti af bókasafnakerfinu Aleph 500 útgáfu 18, sem setur nokkrar skorður hvað virkni vefsins varðar.

Unnið er að undirbúningi þess að fá...