Fréttir

Fanney Sigurgeirsdóttir, hefur verið ráðin til starfa sem kerfisbókavörður hjá Landskerfi bókasafna.
Fanney, sem er bókasafns- og upplýsingafræðingur að mennt, lauk nýlega framhaldsnámi í upplýsingatækni frá University College London. Hún hefur m.a. starfað á bókasafni Landspítala, hjá RUV og síðast hjá Landsbókasafni Íslands - Háskólabókasafni. Fanney mun á árinu 2009 leysa þjónustustjóra af að hluta til, en einnig sinna nýjum verkefnum hjá fyrirtækinu. Við bjóðum Fanneyju innilega velkomna til starfa!

Um leið og við óskum samstarfsfólki og velunnurum okkar friðar á jólum og farsældar á nýju ári, vekjum við athygli á að skrifstofa Landskerfis bókasafna verður lokuð 24. og 31. desember.

Þökkum ánægjulega samvinnu á árinu sem er að líða.

Bókabílar Borgarbókasafns Reykjavíkur eru nú komnir í beinlínusamband við Gegni. Samskiptin fara fram með 3G tækninni, sem er svokölluð þriðja kynslóð farsímatækninnar. Borgarbókasafnið er fyrsta stofnun Reykjavíkurborgar, sem tekur 3G tæknina í sína þjónustu.

Landskerfi bókasafna hf. hefur hlotið vottun frá fyrirtækinu Sjá ehf og Öryrkjabandalaginu um að www.gegnir.is standist vottun fyrir forgang 2 um aðgengi fyrir fatlaða. Þetta er í samræmi við stefnu stjórnvalda um opinbera vefi og aðgengisstefnu okkar vegna gegnir.is.
 

Fundargerðir Skráningarráðs eru birtar á vef ráðsins, sem er staðsettur vinstra megin á heimasíðu Landskerfisins. Síðasti fundur ráðsins, sá fertugasti og fyrsti, var haldinn um miðjan októbermánuð.

Landskerfi bókasafna auglýsir eftir kerfisbókaverði til afleysinga á árinu 2009.

Nánari upplýsingar um starfið er að finna á heimasíðu Hagvangs.

Umsóknarfrestur um starfið er til og með 30. nóvember næstkomandi.

Á landsfundi Upplýsingar 10. - 11. október 2008, kynnti framkvæmdastjóri Landskerfis bókasafna til sögunnar verkefni sem félagið er að hrinda af stokkunum í samvinnu við Landsbókasafn-Háskólabókasafn, Borgarbókasafn Reykjavíkur, aðildarsöfn Gegnis auk erlendra aðila.

Hér er að finna kynninguna frá Landsfundinum Þarfagreining - „Integrated Search System for Iceland“

Glærur frá fræðslufundi skrásetjara, sem haldinn var 9. október síðastliðinn hafa verið settar á vef Skráningarráðs

Landskerfi bókasafna býður skólabókavörðum upp á þá þjónustu að mynda lánþegaréttindi vélrænt í kerfinu fyrir alla nemendur og starfsmenn skólans. Einnig er hægt að uppfæra bekkjarupplýsingar. Nánari leiðbeiningar er að finna á þjónustuvef.