Fréttir

Vegna kerfisvinnu verður Gegnir lokaður þriðjudaginn 4. nóvember frá kl. 7:30 – 8:00 að morgni.

Á fundi skráningarráðs þann 6. október urðu þau tíðindi að Rósa S. Jónsdóttir forstöðukona bókasafns Orkustofnunar var kjörin formaður ráðsins.

Þóra Sigurbjörnsdóttir sem verið hefur formaður skráningarráðs frá 18. desember 2003 mun starfa áfram með ráðinu.

Rósu er óskað velfarnaðar sem formaður skráningaráðs og Þóru eru þökkuð óeigingjörn störf í þágu Gegnis um langt árabil.

Á undanförnum vikum og mánuðum hafa verið stífar fundarsetur hjá skráningarráði Gegns. Þar hefur einkum verið unnið að gerð innleiðingaráætlunar fyrir RDA skráningarreglurnar. Áætluninni var dreift með fundargögnum á Landsfundi Upplýsingar sem haldinn var á Akureyri í byrjun október.

Nýjar fundargerðir skráningrráðs frá 78.-84. fundi þess eru aðgengilegar á heimasvæði ráðsins undir flipanum Skráningarráð hér til vinstri.

Á starfsárinu 2014-2015 munu eftirtaldar sitja í skráningarráði Gegnis:
Áslaug Þorfinnsdóttir starfsmaður Bókasafns Hafnarfjarðar, Hallfríður H. Kristjánsdóttir frá Landsbókasafni - Háskólabókasafni, Rósa S. Jónsdóttir forstöðumaður bókasafns Orkustofnunar auk Þóru Sigurbjörnsdóttir frá Borgarbókasafni.

Að þessu sinni mun námskeiðsáætlun Landskerfis bókasafna ná yfir breytta starfsemi fyrirtækisins með Sarp innanborðs. Fyrir utan hefðbundin námskeið í Gegni og leitir.is verður boðið upp á fjölbreytt námskeið í Sarpi.

Sjá nánar námskeiðsáætlun ásamt lýsingum á námskeiðunum.

Hægt er að skrá sig á námskeiðin á vef Landskerfis bókasafna, Fræðsla - Skráning.

Eitt af hlutverkum rafgagnahóps var að þróa verklag um meðhöndlun rafræns efnis í Gegni og leitir.is. Hér má finna verkferill um meðhöndlun lýsigagna í leitir.is. Verkferillinn skilgreinir verkþætti og ábyrgðaraðila sem eru söfnin, Landskerfi bókasafna og „Vinnuhópur um rafgögn“. Samkvæmt tillögu rafgagnahóps tekur nýstofnaður „Vinnuhópur um rafgögn“ ákvörðun um meðhöndlun lýsigagna og aðgengi að rafræna efninu í leitir.is.

Forseti Íslands veitti Rekstrarfélagi Sarps Íslensku safnaverðlaunin 2014 við hátíðlega athöfn á Bessastöðum í gær, þann 6. júlí. Verðlaunin eru veitt annað hvert ár en Sarpur var tilnefndur til verðlaunana fyrir ytri vef þessa menningarsögulega gagnasafns sem opnaði á netinu árið 2013. Landskerfi bókasafna hf. fer með rekstur Sarps á grunni þjónustusamnings við Rekstrarfélag Sarps.

Rafgagnahópur var stofnaður til að þróa verklag við meðhöndlun rafræns efnis í Gegni og leitir.is. Helstu niðurstöður hópsins eru tillögur um breytingar á útliti og virkni leitir.is ásamt meðhöndlun lýsigagna. Stærsta breytingin er einn leitargluggi og endurhönnun á framsetningu upplýsinga í leitir.is sem þegar hafa verið virkjuð í leitir.is.

Gegnir hefur verið uppfærður í nýja útgáfu af Aleph kerfinu, útgáfu 22. Uppfærslan tók lengri tíma en ráð hafði verið fyrir gert en kerfið fór í rekstur í morgun föstudag.
Rukk, tilkynningar, vanskilalistar og útlánalistar verða keyrðir yfir helgina. Næstu daga verður áfram unnið að fínstillingu kerfisins í þeim tilgangi að ná fram hámarksafköstum þess.