Fréttir

Aðalfundur Landskerfis bókasafna hf. var haldinn 24. maí 2013. Störf fundarins voru með hefðbundnum hætti. Á fundinn mættu fulltrúar 9 hluthafa sem eiga samanlagt 84,14% hlutafjár í félaginu.

Hér má nálgast skýrslu stjórnar fyrir síðasta starfsár og fundargerð aðalfundar.

Heimilisfang Landskerfis bókasafna er nú Katrínartún 2 (áður Höfðatún 2).

Stjórn félagsins var endurkjörin á fundinum. Starfsárið...

Skipað hefur verið í Rafgagnahóp sem hefur það hlutverk að móta framtíðarsýn varðandi aðgengi að rafrænum safnkosti. Í hópnum sitja Anna Sveinsdóttir, Birgir Björnsson, Hildur Gunnlaugsdóttir, Kristína Benedikts, Margrét Ásgeirsdóttir og Þóra Gylfadóttir auk starfsmanns Landskerfis bókasafna. Hópurinn verður kallaður saman til fyrsta fundar á næstu vikum.

Notendaráðstefna Aleflis 2013 verður haldin í fyrirlestarsal Landsbókasafns 24. maí kl 10 -12.

Vegna viðhaldsvinnu verður vefurinn leitir.is óaðgengilegur í um klukkustund á tímabilinu 22:00-24:00 í kvöld, 10. maí. Hægt verður að nota gegnir.is og hvar.is á meðan.

Vegna kerfisvinnu var Gegnir lokaður fimmtudaginn 25. apríl. Það var verið að endurlykla eða „indexera“ bókfræðigrunn Gegnis.

Breytingar í lyklun lúta fyrst og fremst að bættri leit í númerasviðum eins og ISSN, ISBN og öðrum minna notuðum númerasviðum. Einnig var tekið á ýmsum atriðum sem nýtast vel fyrir gæðastýringu á gögnunum.

Vegna kerfisvinnu verður starfsmannaaðgangur Gegnis og gegnir.is lokaður frá kl. 22:00 miðvikudagskvöldið 24. apríl og sumardaginn fyrsta 25. apríl. Á meðan á lokuninni stendur verður gegnir.is vísað yfir á leitir.is.

Hægt verður að leita á http://leitir.is á meðan á lokun Gegnis stendur en upplýsingar og þjónustur verða takmarkaðar. Lokað verður fyrir innskráningu, millisafnalán og frátektir. Einnig verður ekki mögulegt að sjá upplýsingar um staðsetningu og stöðu eintaka. Leit í flipanum “Greinar í...

Telma Rós hélt erindi um leitir.is á fundi bókasafnsvarða í framhaldsskólum sem haldinn var í Fjölbrautaskólanum í Garðabæ þann 8. apríl. Þar útskýrði hún meðal annars hvernig nemendur framhaldsskóla geta leitað í safnkosti síns safns í gegnum leitir.is en þar er um nýmæli að ræða. Telma Rós kom inn á margt fleira áhugavert í kynningu sinni og voru undirtektir mjög góðar.

Gegnir hefur verið opnaður að nýju eftir kerfisuppfærslu. Að þessu sinnu var verið að setja upp þjónustupakka. Hlutverk þeirra er fyrst og fremst að lagfæra villur og auka öryggi kerfisins. Það þarf að uppfæra undirliggjandi kerfi og bæta við og breyta grunntöflum í kerfinu ásamt því taka í notkun nýja virkni.