Toppútlán 2016

Vinsælustu bækurnar hjá aðildarsöfnum Gegnis 2016 voru Dagbækur Kidda klaufa sem trónuðu í sjö efstu sætunum í efnisflokkinum Bækur. Fremst meðal jafninga var Dagbók Kidda klaufa : svakalegur sumarhiti sumarhiti eftir Jeff Kinney með 4.965 útlán.

Topplistar útlána fyrir árið 2016 eru tilbúnir á vef Landskerfis bókasafna. Listar fyrir Gegni sem heild eru opnir án innskráningar en athugið að það er nauðsynlegt er að skrá sig á vefinn til þess nálgast lista fyrir einstök söfn.

Topplistar útlána eru listar yfir vinsælustu eða mest lánaðu titlana í aðildarsöfnum Gegnis og fyrir Gegni sem heild. Topplistarnir voru fyrst birtir um áramótin 2014 / 2015 en þá var unnið úr útlánagögnum fyrir árið 2013, síðan hafa listarnir verið útbúnir fyrir hvert ár. Framsetningu topplistanna var gjörbylt í tengslum við nýjan vef Landskerfis bókasafna. Forsendur fyrir talningu útlána breytist lítillega og útskýrir það frávik í einstökum tölum ef eldri listar eru bornir saman við þá nýju. Nánari upplýsingar er að finna í skýringum um topplista útlána 2016.

Að þessu sinni er boðið upp á tíu mismunandi skýrslur til þess að túlka útlánin. Efni fyrir börn er sem fyrr vinsælast hvort sem litið er til allra útlána í Gegni eða til undirflokka eins og bóka eða tímarita.

Taflan hér fyrir neðan sýnir þá titla sem eru mest lánaðir í hverjum efnisflokk árið 2016.