Fréttir

Prentuð hafa verið bókamerki til kynningar á leitir.is. Dreifing þeirra til bókasafna er hafin.

Í haust og vetur verður boðið upp á kynningar og námskeið fyrir starfsmenn aðildarsafna Gegnis.

Námskeiðsáætlunin, ásamt lýsingu á námskeiðunum liggur nú fyrir. Hægt er að skrá sig á námskeið haustsins á vef Landskerfis bókasafna, Fræðsla - Skráning.

Okkur á skrifstofu Landskerfis bókasafna hefur nú borist kærkominn liðsauki. Það er Ásdís Huld Helgadóttir sem hefur tekið við starfi þjónustustjóra. Ásdís er menntuð sem bókasafns- og upplýsingafræðingur frá Háskóla Íslands. Hún starfaði áður á Bókasafni Hafnarfjarðar þar sem hún hafði umsjón með tölvu- og tæknimálum auk þess að sinna vefumsjón og upplýsingaþjónustu. Við bjóðum Ásdísi innilega velkomna til starfa og hlökkum til samstarfsins!

Á dögunum birtist grein um leitir.is í Bókasafninu. Greinin leitir.is og þér munuð finna er einnig aðgengileg á vef Landskerfis bókasafna.

Vegna kerfisvinnu var Gegnir lokaður meginhluta föstudagsins 15. júní. Það var verið að setja upp þjónustupakka sem eru að jafnaði settir upp tvisvar á ári. Hlutverk þjónustupakka er fyrst og fremst að lagfæra villur í virkni kerfisins. Að þessu sinni voru settar inn um 150 breytingar en þær breytingar sem standa upp úr hafa með prentun og tölvupóst að gera, þ.e.a.s. það er búið að lagfæra að ákveðnar tilkynningar prentist á mörg blöð, leiðrétta prentun strikamiða, leiðrétta að íslenskir stafir birtist rétt í efnislínu tölvupósts og fleira...

Vegna kerfisvinnu verður starfmannaaðgangur Gegnis og gegnir.is lokaðir frá kl. 19:30 fimmtudagskvöldið 14. júní og fram eftir degi föstudaginn 15. júní. Það verður hægt að leita á leitir.is en upplýsingar og þjónustur verða takmarkaðar. Lokað verður fyrir innskráningu, millisafnalán og frátektir, einnig verður ekki mögulegt að sjá upplýsingar um staðsetningu og eintök. Á meðan á lokun stendur verður gegnir.is vísað yfir á leitir.is.

Fjölbrautaskóli Vesturlands hefur gengið frá þjónustusamningi við Landskerfi bókasafna vegna aðildar að Gegni.

Skýrsla stjórnar fyrir síðasta starfsár sem flutt var á aðalfundi Landskerfis bókasafna 23. maí er komin á vefinn.

Aðalfundur Landskerfis bókasafna hf. var haldinn 23. maí 2012. Störf fundarins voru með hefðbundnum hætti. Á fundinn mættu fulltrúar 8 hluthafa sem eiga samanlagt 88,75% hlutafjár í félaginu.
Hér má nálgast fundargerð aðalfundar. Skýrsla stjórnar fyrir síðasta starfsár er væntanleg á vefinn.

Stjórn félagsins var endurkjörin á fundinum. Starfsárið 2012-2013 sitja því í stjórn: Anna Torfadóttir borgarbókavörður, Árni Sigurjónsson...