Fréttir

Reykhólahreppur og Sveitarfélagið Skagafjörður eru nýir hluthafar í Landskerfi bókasafna hf. og eru þeir boðnir velkomnir í félagið.

Starfsmenn Landskerfis bókasafna og Rekstrarfélags Sarps óska samstarfsaðilum gleðilegra jóla og farsæls komandi árs og þakka ánægjulegt samstarf á árinu sem er að líða.

Vegna kerfisvinnu verður Gegnir tímabundið lokaður 17. desember nk.

Vegna kerfisvinnu verða starfmannaaðgangur Gegnis og gegnir.is lokaðir frá kl. 22:00 mánudagskvöldið 16. desember og fram eftir degi þriðjudaginn 17. desember. Á meðan á lokun stendur verður gegnir.is vísað yfir á leitir.is. Það verður hægt að leita á leitir.is en upplýsingar og þjónustur verða takmarkaðar. Lokað verður fyrir innskráningu, millisafnalán og frátektir. Ekki verður mögulegt að sjá upplýsingar um staðsetningu og stöðu eintaka.

Lokunin hefur...

Í haust gaf Landskerfi bókasafna út leiðbeiningabækling um leitir.is á íslensku og dreifði honum til aðildarsafna Gegnis. Leiðbeiningarnar hafa nú verið þýddar á ensku og pólsku. Þýðingarnar eru aðeins til á rafrænu formi.

 

 

Í gærdag fengum við góða gesti frá Kaliningrad. Þau komu á skrifstofu Landskerfisins til að fræðast um Gegni og samstarfið í kringum hann. Ragna Steinarsdóttir frá Landsbókasafni Íslands - Háskólabókasafni, Sigrún Hauksdóttir, Sveinbjörg Sveinsdóttir og Telma Rós Sigfúsdóttir frá Landskerfinu tóku á móti gestunum og kynntu þeim starfið. Þess má geta að nokkrir gestanna voru að koma í sína aðra heimsókn til Landskerfis bókasafna.

Gengið hefur verið frá skipan í skráningarráð Gegnis fyrir starfsárið 2013-2014. Eftirtaldar taka setu í ráðinu: Áslaug Þorfinnsdóttir starfsmaður Bókasafns Hafnarfjarðar, Rósa S. Jónsdóttir forstöðumaður bókasafns Orkustofnunar, Sigrún Jóna Marelsdóttir frá Landsbókasafni - Háskólabókasafni auk Þóru Sigurbjörnsdóttir frá Borgarbókasafni.

Í dag fengum við góða gesti frá Vilníus. Allt fólk frá bókasöfnum sem er hér á landi í námsferð (Nordic-Baltic Mobility Program 2013). Guðríður Sigurbjörnsdóttir á Borgarbókasafni leiddi hópinn.

 

Ytri vefur Sarps, http://www.sarpur.is var opnaður við hátíðlega athöfn í Farskóla FÍSOS í Þjóðmenningarhúsi í dag 25. september. Sigmundur Davíð Gunnlaugsson forsætisráðherra opnaði vefinn með aðstoð Sigurðar Trausta Traustasonar fagstjóra Sarps.