Fréttir

Fimm kerfisframleiðendur sendu inn svör við forauglýsingu sem Landskerfi bókasafna birti í upphafi árs á evrópska útboðsvefnum. Um var að ræða markaðskönnun vegna fyrirhugaðs útboðs á bókasafnskerfi. Aðilarnir sem svöruðu eru: Ex Libris, Infor, Innovative, OCLC auk Systematic í samstarfi við Ebsco.

Þriðja árið í röð er Landskerfi bókasafna á lista CreditInfo yfir framúrskarandi fyrirtæki. Aðeins 2,2% fyrirtækja sem skráð eru í hlutafélagaskrá eru á þessum lista.

Vegna kerfisvinnu verða Gegnir og Leitir.is lokaður frá kl. 19:30, miðvikudaginn 24. janúar 2018 og fram eftir kvöldi. Innskráning  í Rafbókasafnið verður óvirk á sama tíma.
 

Valgeir Helgi Bergþórsson hóf störf sem verkefnastjóri hjá Landskerfi bókasafna hf. í byrjun janúar. Hann er menntaður sem stjórnmálafræðingur og leggur stund á nám í verkefnastjórnun við HÍ. Valgeir starfaði síðast hjá Verifone sem hópstjóri tæknimanna í framlínu og hafði umsjón með sölu og þjónustu til viðskiptavina.  Áður var hann starfsmaður Símans fyrst sem þjónustufulltrúi og  síðar sem fulltrúi eftirvinnslu og endursöluaðila. Starfsskyldur Valgeirs snúa einkum að stjórnun verkefnis um útboð, val og innleiðingu á nýju bókasafnskerfi...

Vegna kerfisvinnu verður Gegnir lokaður frá kl. 19:30, miðvikudaginn 17. janúar 2018 og fram eftir nóttu. 

Þetta þýðir einnig að ekki verður hægt að nota sjálfsafgreiðsluvélar í bókasöfnum. 

Því verða eintök, frátektir og millisafnalán á leitir.is ekki aðgengileg á sama tíma. Innskráning á leitir.is og í Rafbókasafnið verður einnig óvirk.