Fréttir

Ræsifundur verkefnisins „þarfagreining fyrir nýtt bókasafnskerfi“ verður haldinn fimmtudaginn 31. ágúst 2017.

Dagskrá fundarins og nánari upplýsingar verða sendar til þátttakenda eftir miðjan ágúst.

Þarfagreiningin verður unnin í samvinnu við sérfræðinga á bókasöfnunum. Val sérfræðinga í hópana er í vinnslu. Sérfræðihóparnir endurspegla megin verkferla í bókasöfnunum. Hóparnir eru eftirfarandi:

• Lánþegar – Hlutverk vinnuhóps um lánþega er m.a. að móta sýn á lánþegaskrána, skoða þjónustur við lánþega
...

Landskerfi bókasafna og Rekstrarfélag Sarps hafa birt námskeiðsáætlun fyrir haustið 2017 og vor 2018. Í boði eru mörg og fjölbreytt námskeið að vanda. Áætlunin er birt með fyrirvara um að einhverjar breytingar geta orðið á henni. Hægt verður að skrá sig á einstök námskeið eftir 16. ágúst n.k.

Uppfærsla á vefum leitir.is 7.-8. júní gekk vel. Um var að ræða hefðbundna viðhaldsvinnu þar sem sóttar voru lagfæringar af fjölbreyttum toga. Þær vörðuðu meðal annars innskráningu á vefinn. Hafðu samband eyðublaðið var fjarlægt af forsíðu leitir.is vegna öryggismála.

Vegna kerfisvinnu verður leitir.is vefnum lokað um hádegisbil á miðvikudag 7. júní og hann opnaður aftur eftir hádegi næsta dag 8. júní. Um er að ræða venjubundna viðhaldsvinnu þar sem lagfærðir verða ýmsir smærri hnökrar. Sökum þess að lánþegar geta ekki endurnýjað útlán sín sjálfir á meðan lokunin varir, mun Gegnir ekki reikna sektir fyrir dagana 7. og 8. júní.

Fundarstörf á aðalfundi Landskerfis bókasafna sem haldinn var 24. maí voru með hefðbundnu sniði. Á fundinn mættu fulltrúar 11 hluthafa sem eiga 83,6% hlutafjár í félaginu. Skýrsla stjórnar fyrir árið 2016 sem Árni Sigurjónsson formaður flutti á fundinum og fundargerð eru aðgengileg á vef félagsins. Stjórn félagsins var endurkjörin.