Fréttir

Vegna viðhalds var Gegnir lokaður fimmtudagsmorguninn 12. ágúst. Tilkynning um opnun kerfisins var send út ásamt leiðbeiningum um uppfærslu biðlara, en brögð voru af því að hún bærist ekki söfnunum.

Leiðbeiningar um uppfærslu biðlara (starfsmannaviðmóts) eru nú aðgengilegar á heimasíðunni. Nauðsynlegt er uppfæra biðlarann í ÖLLUM starfsmannatölvum áður en byrjað er að vinna í Gegni.

Í haust og vetur verður boðið upp á kynningar og námskeið fyrir starfsmenn bókasafna. Í boði verða námskeið í grunnþáttum kerfisins svo og kynningar og námskeið á nýjum verkþáttum og stoðkerfum svo sem millisafnalánum, SFX og Primo.

Námskeiðsáætlunin, ásamt lýsingu á námskeiðunum liggur nú fyrir. Hægt er að skrá sig á námskeið haustsins á vef Landskerfis bókasafna.

Nýjustu fundargerðir skráningaráðs Gegnis er nú komnar á síðu skráningarráðs.

Skýrsla stjórnar Landskerfis bókasafna hf. lögð fram á aðalfundi 26. maí 2010, auk fundargerðar, hefur nú verið gerð aðgengileg á heimasíðunni.

Aðalfundur Landskerfis bókasafna hf. var haldinn 26. maí 2010. Störf fundarins voru með hefðbundnum hætti. Á fundinn mættu fulltrúar 8 hluthafa sem eiga samanlagt 82,3% hlutafjár í félaginu. Skýrsla stjórnar og fundargerð aðalfundar verður birt á heimsíðu félagsins á næstu dögum.

Í stjórn félagsins starfsárið 2010-2011 voru kjörin: Anna Torfadóttir borgarbókavörður, Árni Sigurjónsson skrifstofustjóri forsetaembættisins, Ingibjörg Steinunn Sverrisdóttir landsbókavörður og Karl Guðmundsson bæjarritari Akureyrarbæjar. Varamenn voru...

Bókasöfn Fjölbrautaskólans í Breiðholti, og Norræna hússins, hafa bæst í hóp aðildarsafna Gegnis. Þau eru boðin velkomin.

Tekinn hefur verið saman greinargerð um söfnun tölulegra upplýsinga úr bókfræðigrunni Gegnis fram til loka árs 2009. Þetta er sambærileg samantekt og "Tölur úr bókfræðigrunni Gegnis - Greinargerð um söfnun og úrvinnslu tölulegra upplýsinga til ársloka 2008". Tölfræðin tekur til heildarskráningar í bókfræðigrunninn án tillits til einstakra aðildarsafna. Greinargerðin er afrakstur samstarfs Landsbókasafns og Landskerfis bókasafna. Nálgast má greinargerðirnar á slóðinni Bókfræði Gegnis.

Ný húsakynni Landskerfis bókasafna hf. eru við Höfðatorg í Höfðatúni 2, 105 Reykjavík.

Skrifstofa Landskerfis er staðsett á 2. hæð í lágbyggingunni. Sjá nánar til vinstri á síðunni: Staðsetning

Undanfarna mánuði höfum við hjá Landskerfi bókasafna unnið að lagfæringum og betrumbótum á gegnir.is. Stærsta breytingin er að settir hafa verið upp sérstakir leitargrunnar fyrir hvert aðildarsafn Gegnis.