2

Main content

Fréttir

main

Fundargerðir skráningarráðs frá fundum í febrúar - júní 2015 eru nú aðgengilegar á heimasvæði ráðsins undir Skráningarráð.

Greinargerðir um söfnun tölulegra upplýsinga úr bókfræðigrunni Gegnis fyrir árin 2013 og 2014 eru nú tilbúnar. Vegna breytinga á verklagi varð dráttur á birtingu greinargerðar fyrir 2013. Þetta eru sambærilegar samantektir og birtar hafa verið undanfarin ár undir heitinu „Tölur úr bókfræðigrunni Gegnis : greinargerð um söfnun og úrvinnslu tölulegra upplýsinga til ársloka 20XX”.

Myndin sýnir hve margar bókfræðifærslur bættust við árlega á tímabilinu sem þetta tölfræðiverkefni tekur til. Talsverður munur er á fjölda milli ára. Vélvirk...

Opnað hefur verið fyrir skráningu á námskeið á vegum Landskerfis bókasafna veturinn 2015 – 2016.

Boðið verður upp á fjölbreytt námskeið í Gegni, Sarpi og leitir.is, sjá nánar námskeiðsáætlun ásamt lýsingum á námskeiðunum.

Hægt er að skrá sig á námskeiðin á vef Landskerfis bókasafna, Fræðsla - Skráning.

Skrifstofa Landskerfis bókasafna og Rekstrarfélags Sarps lokar kl. 13 í dag 19. júní, starfsfólk fagnar 100 ára afmæli kosningaréttar kvenna.

Gegnir hefur opnað að nýju eftir að hafa verið lokaður vegna kerfisvinnu þjóðhátíðardaginn 17. júní. Að þessu sinni var verið að lykla bókfræðigrunn og aðlaga kerfið til að meðhöndla nýjar bókfræðilegar skráningarreglur sem kallast Resource Description and Access (RDA).

Vegna kerfisvinnu verður starfsmannaaðgangur Gegnis og gegnir.is lokaður frá kl. 20:00 þriðjudaginn 16. júní og verður opnaður aftur að morgni fimmtudagsins 18. júní.

Á notendaráðstefnu Aleflis sem haldin var 12. maí síðastliðinn fluttu starfsmenn á skrifstofu Landskerfisins nokkur erindi þar sem sagt var frá ýmsum nýjunum varðandi kerfisþróun.

  • Sigrún Hauksdóttir sagði frá nýjungum við tölfræðivinnslu Gegnis, erindið bar heitið Topplistar.
  • Telma Rós Sigfúsdóttir fjallaði um Leitartrix og nýjungar í leitir.is.
  • Síðast en ekki síst sögðu Telma Rós og Sigurður Trausti Traustason frá vinnu við að tengja gögn úr sarpur.is í leitir.is.

Fundargerð frá aðalfundi Landskerfis bókasafna hf. sem haldinn var 12. maí síðastliðinn hefur nú verið gerð aðgengileg á vef félagsins.

Fundargerð aðalfundar 2015

 

Aðalfundur Landskerfis bókasafna hf. var haldinn 12. maí 2015. Störf fundarins voru með hefðbundnum hætti. Á fundinn mættu fulltrúar 9 hluthafa sem eiga samanlagt 85,69% hlutafjár í félaginu.

Hér má nálgast skýrslu stjórnar fyrir starfsárið 2014. Fundargerð verður birt á næstu dögum.

Stjórn félagsins var endurkjörin á fundinum. Í stjórn fyrir starfsárið 2015-2016 sitja: Árni Sigurjónsson skrifstofustjóri forsetaembættisins, Ingibjörg Steinunn Sverrisdóttir landsbókavörður, Karl...