Fréttir

Í gærdag fengum við góða gesti frá Kaliningrad. Þau komu á skrifstofu Landskerfisins til að fræðast um Gegni og samstarfið í kringum hann. Ragna Steinarsdóttir frá Landsbókasafni Íslands - Háskólabókasafni, Sigrún Hauksdóttir, Sveinbjörg Sveinsdóttir og Telma Rós Sigfúsdóttir frá Landskerfinu tóku á móti gestunum og kynntu þeim starfið. Þess má geta að nokkrir gestanna voru að koma í sína aðra heimsókn til Landskerfis bókasafna.

Gengið hefur verið frá skipan í skráningarráð Gegnis fyrir starfsárið 2013-2014. Eftirtaldar taka setu í ráðinu: Áslaug Þorfinnsdóttir starfsmaður Bókasafns Hafnarfjarðar, Rósa S. Jónsdóttir forstöðumaður bókasafns Orkustofnunar, Sigrún Jóna Marelsdóttir frá Landsbókasafni - Háskólabókasafni auk Þóru Sigurbjörnsdóttir frá Borgarbókasafni.

Í dag fengum við góða gesti frá Vilníus. Allt fólk frá bókasöfnum sem er hér á landi í námsferð (Nordic-Baltic Mobility Program 2013). Guðríður Sigurbjörnsdóttir á Borgarbókasafni leiddi hópinn.

 

Ytri vefur Sarps, http://www.sarpur.is var opnaður við hátíðlega athöfn í Farskóla FÍSOS í Þjóðmenningarhúsi í dag 25. september. Sigmundur Davíð Gunnlaugsson forsætisráðherra opnaði vefinn með aðstoð Sigurðar Trausta Traustasonar fagstjóra Sarps.

Nýr fagstjóri Sarps, Sigurður Trausti Traustason hefur hafið störf.
Sigurður er með M.A. í safnafræði frá University of Leicester. Lokaritgerð hans frá skólanum bar heitið Contemporary Collecting in Iceland og við vinnslu hennar tók hann m.a viðtöl við fjölmarga safnmenn um Sarp og möguleika hans. Sigurður er jafnfram með B.A gráðu í sagnfræði frá Háskóla Íslands og A.P Diplóma í Margmiðlunarhönnun frá Kobenhavns Tekniske Skole.

Sigurður hefur starfsstöð hjá Landskerfi bókasafna hf á grunni þjónustusamnings félagsins við...

Landskerfi bókasafna hefur sett sér samgöngustefnu og er markmið með henni að hvetja starfsfólk félagsins til að nota vistvænan og hagkvæman ferðamáta. Landskerfið gerir samgöngusamning við þá starfsmenn sem nota vistvænan samgöngumáta.

Skólaárið 2013 – 2014 verður starfsfólki aðildarsafna Gegnis boðið upp á kynningar og námskeið, sjá námskeiðsáætlun ásamt lýsingum á námskeiðum. Einnig verður boðið upp á ítarnámskeið fyrir vana starfsmenn sem núna kallast „Leitir opna dyr“. Eins og nafn námskeiðsins ber með sér verður megin áherslan á leitir.is og þá sérstaklega aðgengi að rafrænu efni.

Hægt er að skrá sig á námskeiðin á vef Landskerfis bókasafna, Fræðsla - Skráning

Nú standa fyrir dyrum breytingar á umsýslu lykilorða til innskráningar á vefina gegnir.is og leitir.is. Ekki verður lengur hægt að styðja lykilorð sem innihalda kennitölu notanda, hluta úr henni eða einfaldar talnarunur á borð við 1234. Breytingarnar eru gerðar til að reyna að tryggja öryggi persónuupplýsinga lánþega.

Í lok ágúst verður þeim lykilorðum breytt sem ekki uppfylla öryggiskröfur. Ný lykilorð verða send í tölvupósti til þeirra lánþega sem eru með...

Kerfisvinnu við leitir.is er nú lokið og vefurinn hefur verið opnaður á ný.