Fréttir

Aðalfundur Landskerfis bókasafna hf. var haldinn 12. maí 2015. Störf fundarins voru með hefðbundnum hætti. Á fundinn mættu fulltrúar 9 hluthafa sem eiga samanlagt 85,69% hlutafjár í félaginu.

Hér má nálgast skýrslu stjórnar fyrir starfsárið 2014. Fundargerð verður birt á næstu dögum.

Stjórn félagsins var endurkjörin á fundinum. Í stjórn fyrir starfsárið 2015-2016 sitja: Árni Sigurjónsson skrifstofustjóri forsetaembættisins, Ingibjörg Steinunn Sverrisdóttir landsbókavörður, Karl...

Starfsmenn Landskerfis bókasafna og Rekstrarfélags Sarps óska viðskiptavinum sínum gleðilegra páska. Skrifstofan verður lokuð yfir hátíðarnar en opnar aftur 7. apríl.

Í Fréttablaði dagsins í dag er birt auglýsing yfir vinsælustu skáldsögurnar á Grófarsafni 2014. Listinn sem þar er birtur byggir á topplistum útlána í Gegni fyrir árið 2014 sem er aðgengilegur á þjónustuvef Landskerfisins.

Þjónustupakkar voru uppfærðir í Gegni þriðjudaginn 23. mars. Hlutverk þjónustupakka er fyrst og fremst að lagfæra villur og auka öryggi kerfisins. Það þarf að uppfæra undirliggjandi kerfi og bæta við og breyta grunntöflum í kerfinu ásamt því taka í notkun nýja virkni, sjá nánar hér.

Vegna kerfisvinnu verður starfsmannaaðgangur Gegnis og gegnir.is lokaður frá kl. 22:00 mánudagskvöldið 23. mars og fram eftir degi þriðjudaginn 24. mars. Á meðan á lokuninni stendur verður gegnir.is vísað yfir á leitir.is.

Hægt verður að leita á leitir.is á meðan á lokun Gegnis stendur en upplýsingar og þjónustur verða takmarkaðar. Lokað verður fyrir innskráningu, millisafnalán og frátektir. Einnig verður ekki mögulegt að sjá upplýsingar um staðsetningu og stöðu eintaka.

Þóra Gylfadóttir bókasafns- og upplýsingafræðingur hóf störf hjá Landskerfum bókasafna þann 1. mars síðastliðinn. Hún mun sinna ýmsum verkefnum einkanlega á sviði rafræns safnkosts. Það er mikill fengur að því fyrir Landskerfið að fá Þóru til liðs við sig og hún er boðin innilega velkomin til starfa.

Frá því að vefurinn leitir.is var opnaður í nóvember 2011 hefur notkun hans vaxið jafnt og þétt. Flettingum á vefnum fjölgar og einnig notendum hans. Aukning milli áranna 2012/13 var 45,8%. Af því má draga þá ályktanir að notendum líki vefurinn og telji sig hafa mikið til hans að sækja.

Lesið um þetta og meira í skýrslunni Tölur um notkun leitir.is 2011-2014.

Aðildarsöfn Gegnis geta nú nálgast topplista útlána fyrir árið 2014 á þjónustuvef, þ.e.a.s. lista yfir þá titla sem voru oftast lánaðir út í Gegni á árinu 2014. Bæði er um að ræða lista sem taka til alls gagnagrunnsins en einnig lista sem eru flokkaðir eftir söfnum.

Frekari upplýsingar.

Tölfræði fyrir Gegni vegna ársins 2014 er nú aðgengileg á þjónustuvef Landskerfis bókasafna, sjá Talnagögn um árið 2014.

Útlán héldu áfram að dragast saman á milli áranna 2013 og 2014. Þessi samdráttur hófst árið 2010 en fram að þeim tíma var aukning útlána á milli ára umtalsverð. Erfiðara er að túlka tölur um fjölgun eintaka og titla þar sem þessar tölur hækka alla jafnan á milli ára. Þó er ljóst að hlutfallsleg fjölgun skráðra titla hefur dregist saman síðastliðið ár miðað við árin á...