Fréttir

Alefli, notendafélag Gegnis, stendur fyrir notendaráðstefnu miðvikudaginn 14. maí kl. 13:00-16:00, í fundarsal Þjóðarbókhlöðu.
Ráðstefnan er ókeypis og opin öllum notendum Gegnis og öðrum áhugasömum.
 

Skráningarráð stóð fyrir fræðsludögum skrásetjara 18. apríl síðastliðinn. Meðal umfjöllunarefni var heiti stofnana í nafnmyndaskrá Gegnis. Erindin frá fræðsludögunum er að finna á síðu skráningarráðs á vef Landskerfis bókasafna.

Þriðja fundargerð verkefnahóps um uppfærslu á Gegni úr útgáfu 16 í útgáfu 18 hefur nú verið sett á vefinn. Sjá Útgáfa 18.

Aðalverkefnin þetta misserið eru uppfærsla af Aleph kerfinu í útgáfu 18 og endurgerð á gegnir.is. Báðum verkefnum miðar vel áfram. Gegnir.is er viðamikið verkefni sem mun ekki ljúka við opnun leitarvefsins í júní heldur munu endurbætur og endurskoðun á vefnum verða fastur liður á verkefnalista Landskerfis bókasafna.

Útgáfa 18 - Uppfærslan í útgáfu 18 er á áætlun. Búið er að setja útgáfu 18 upp í prófunarumhverfinu ásamt því að aðlaga gögnin að þessari nýju útgáfu. Þessa dagana er verið að samræma stýritöflur, þýða villuboð,...

Fundargerð frá 36. fundi skráningarráðs hefur verið sett á síðu skráningarráðs.

Yfirlit helstu verkefna starfsársins 2008 er nú aðgengilegt á heimasíðunni undir krækjunni Verkefnalisti 2008. Í þessum lista koma ekki fyrir verkefni sem eru viðvarandi og falla undir rekstur Gegnis.

Fundargerðir verkefnahóps um uppfærslu á Gegni úr útgáfu 16 í útgáfu 18 eru nú aðgengilegar til vinstri á heimasíðunni undir flipanum Útgáfa 18.
 

Á árinu 2007 tók Landskerfi bókasafna ákvörðun um að setja sérstakt erindisbréf um starfsemi Efnisorðaráðs. Til samræmis við þá ákvörðun hefur ráðið nú fengið eigin vefsíðu á heimasíðu Landskerfisins. Á síðunni eru nú m.a. birtar fundargerðir ráðsins auk kerfisbundins efnisorðalykils. Vefsíða ráðsins er aðgengileg frá flipanum Efnisorðaráð undir yfirheitinu Um Gegni.

Námskeið í notkun kerfiskeyrsla í útlánaþætti Gegnis verða haldin dagana 26. febrúar og 3. mars næstkomandi. Hér er um nýmæli að ræða, enda hafa slík námskeið ekki verið haldin áður.
Kerfiskeyrslur eru notaðar til að draga út ýmsa lista og skýrslur úr Gegni.
Leiðbeinandi er Telma Rós Sigfúsdóttir.

Fullbókað er á öll námskeiðin.