2

Main content

Fréttir

main

Árlegur fræðslufundur skrásetjara var haldinn í Þjóðarbókhlöðu 17. mars 2017 og sóttu hann yfir 60 skrásetjarar. Á fundinum var fjallað um breytingar á meðferð rafrænna gagna, nýja skráningarþjónustu Landsbókasafns, lítil sérfræðibókasöfn, greiniskráningu, skrá yfir þýðingar íslenskra bókmenna á önnur tungumál auk þess sem Landskerfi var með nokkra fréttamola úr starfinu. Tengil í upptöku frá fundinum er að finna á  vefsíðu...

Á fræðslufundi skrásetjara sem haldinn var 17. mars 2017, kom fram að Landsbókasafn hefur hrint af stað nýrri þjónustu. Hún felst í því að safnið tekur að sér  að skrá safnkost fyrir smærri söfn þar sem aðföng eru lítil. Lengi hefur verið kallað eftir slíkri þjónustu og því er þetta fagnaðarefni. Allar frekari upplýsingar er að finna á heimasíðu safnsins.

Rafbókasafnið

Rafbókasafnið hefur verið opnað á léninu http://rafbokasafnid.is / http://rafbókasafnið.is...

Framúrskarandi fyrirtæki 2016 - viðkenning frá Creditinfo

Annað árið í röð er Landskerfi bókasafna hf. framúrskarandi fyrirtæki samkvæmt úttekt Creditinfo. Framúrskarandi fyrirtæki á Íslandi árið 2016 eru alls 624 talsins. Landskerfi bókasafna er í 537....

Vegna kerfisvinnu verða upplýsingar og þjónustur á leitir.is takmarkaðar um áramótin. Lokað verður fyrir innskráningu, millisafnalán og frátektir. Einnig verður ekki mögulegt að sjá upplýsingar um staðsetningu og stöðu eintaka.

Vala Gunnarsdóttir hefur verið ráðin í starf fagstjóra Sarps. Hún er með BA í fornleifafræði (2010) og MA í safnafræði (2013). Vala hefur skráð í Sarp og þekkir ágætlega til kerfisins. Hún er nú að ljúka störfum hjá Háskóla Íslands en hefur einnig sinnt störfum hjá Þjóðminjasafni Íslands og Borgarsögusafni Reykjavíkur (Árbæjarsafn). Verðandi fagstjóri Sarps hefur þegar hafið störf í hlutastarfi.

Landskerfi bókasafna hf. og Borgarbókasafnið hafa undirritað samning við bandaríska fyrirtækið Overdrive um innkaup og útlán rafbóka. Samningurinn tekur til þeirra almenningsbókasafna sem eiga aðild að Landskerfi bókasafna. 
 
Overdrive er rafbókaveita sem þjónustar bókasöfn um allan heim. Í kjölfar samningsins geta bókasöfn keypt rafbækur og gert aðgengilegar notendum sínum. Flestar bækurnar eru á ensku en ráðgert er að einnig verði mögulegt að nálgast íslenskt efni í gegnum veituna.
 
Borgarbókasafnið verður fyrsta...

Laust er til umsóknar starf fagstjóra Sarps. Allar upplýsingar um starfið og hæfniskröfur er að finna á ráðningarvef Intellecta.

Ari Eyberg ari@intellecta.is og Helga Rún Runólfsdóttir helga@intellecta.is hjá ráðningarstofunni Intellecta veita upplýsingar um starfið í síma 511 1225.

Umsóknarfrestur er til og með 24. október næstkomandi.
 

Á hverju hausti eru fjórir fulltrúar tilnefndir í skráningarráð Gegnis. Landsbókasafn Íslands – Háskólabókasafn tilnefnir að þessu sinni Helgu Kristínu Gunnarsdóttur sem fulltrúa þjóðbókaskráningar í skráningarráð Gegnis.  Alefli útnefnir Rósu S. Jónsdóttur (Orkustofnun), Þóru Sigurbjörnsdóttur (Borgarbókasafn Reykjavíkur) og Áslaugu Þorfinnsdóttur (Bókasafn Hafnarfjarðar).

Landskerfi bókasafna hf. hefur staðfest tilnefningarinnar og býður nýskipað skráningarráð velkomið til starfa.

Með ráðinu starfa, án atkvæðisréttar,...