Fréttir

Á dögunum bættist Dalabyggð í hóp hluthafa Landskerfis bókasafna. Landskerfið býður bókasöfn og íbúa sveitarfélagsins velkomin í hóp Gegnisnotenda.

Á undanförnum mánuðum hefur Ex Libris í Hamborg staðið fyrir kynningum (Primo Roadshow) á upplýsingagáttinni Primo innan Þýskalands. Nú hefur verið ákveðið að standa fyrir sambærilegri kynningu í Reykjavík þann 28. ágúst næstkomandi.

Nánar verður tilkynnt um dagskrá síðar.

Í aðdraganda sumars hófst Borgarbókasafn Reykjavíkur handa við innleiðingu sjálfsafgreiðsluvéla (Codeco) í Aðalsafni, Gerðubergi og Kringlusafni. Vélarnar taka til bæði útlána og skila.

Sjálfsafgreiðsluvélarnar eru tengdar við Gegni í gegnum svokallaðan SIP2 samskiptastaðal. Landskerfi bókasafna hefur haft veg og vanda af því að tryggja að samskipti vélanna og Gegnis gangi snuðrulaust fyrir sig. Vinnan hefur gengið vel og hefur samstarf á milli aðila verið með miklum ágætum.

Ný lánþegaskírteini út harðplasti eru forsenda þess að sjálfsafgreiðsluvélar virki sem skyldi. Skírteinin eru forprentuð með strikamerki sem byrja á GE-xxx, og ekki má breyta því í Gegni. Þau hafa þegar verið tekin í notkun á Borgarbókasafni.

Vegna nýrra lánþegakorta fyrir sjálfsafgreiðsluvélar hefur í einstökum tilfellum verið skrifað yfir gömul strikamerki ættuð frá gömlu Gegnissöfnunum.

Meginreglan er sú að kennitala er notuð sem strikamerki lánþegakorta í Gegni. Lánþegar með eldri kort hafa hinsvegar getað notað þau, enda...

Í lok júnímánaðar gekk Sveitarfélagið Garður til liðs við Landskerfi bókasafna. Landskerfið býður bókasöfn og íbúa sveitarfélagsins velkomin í hóp Gegnisnotenda.

Óttar Rafn Ellingsen, hefur verið ráðinn til starfa hjá Landskerfi bókasafna.

Óttar er tölvunarfræðingur að mennt og hefur m.a. starfað sem slíkur á Landsspítalanum, í fjarskiptageiranum á Ítalíu auk þess að hafa víðtæka reynslu af uppbyggingu upplýsingatæknikerfa fyrir ferðaskrifstofur í Skandinavíu.

Hjá okkur mun hann vinna við hönnun, forritun og umsjón á gegnir.is, úrvinnslu gagna, forritun hliðarkerfa auk þess að sinna almennum þjónustuverkefnum.

Við bjóðum Óttar velkominn til starfa hjá fyrirtækinu!

Fundargerðir Efnisorðaráðs Gegnis fyrir starfsárið 2006-2007 eru komnar á heimasíðuna.

Efnisorðaráð Gegnis hefur sent frá sér heildarviðbætur við efnisorðalykil 2004-2007; viðbæturnar eru dagsettar 12. júní 2007.

Fundargerð 29. fundar í Skráningarráði hefur verið sett á heimasíðuna.